اپوزیشن جماعتوں‌ کی اے پی سی کب ہو گی اور کل کس سے ہو گی مولانا فضل الرحمن کی ملاقات؟ اہم خبرآ گئی

جمعیت علماء اسلام ف کے سربراہ مولانا فضل الرحمن کل سوموار کے دن پاکستان مسلم لیگ ن کے صدر میاں‌ شہباز شریف اور چیئرمین پاکستان پیپلز پارٹی بلاول بھٹو زرداری سے ملاقاتیں کریں‌ گے. ان ملاقاتوں‌ میں حکومت مخالف تحریک کے حوالہ سے اپوزیشن جماعتوں‌ کی آل پارٹیز کانفرنس سے متعلق اہم مشاورت کی جائے گی.

باغی ٹی وی کی رپورٹ کے مطابق اپوزیشن جماعتوں نے باہم مشورہ سے رواں‌ کے اختتام پر اے پی کے انعقاد کا فیصلہ کیا ہے جس میں‌ تمام اپوزیشن جماعتوں‌ کو شرکت کی دعوت دی جائے گی. کل سوموار کے دن اسی سلسلہ میں ملک کی تین بڑی اپوزیشن کی سیاسی پارٹیوں‌ کی قیادت باہم مل بیٹھ کر آئندہ کا لائحہ عمل طے کرے گی. اے پی سی کے میزبان مولانا فضل الرحمن ہوں‌ گے. مولانا فضل الرحمن حکومت مخالف تحریک کے ایجنڈے پر بلاول بھٹو زرداری اور میاں شہباز شریف کو اعتماد میں لیں گے۔

بلاول بھٹو مولانا فضل الرحمن کی رہائش گاہ پر ملیں‌ گے جبکہ مولانا فضل الرحمن اور میاں‌ شہباز شریف کے درمیان ملاقات قومی اسمبلی کے اجلاس کے بعد ہو گی. واضح‌ رہے کہ اپوزیشن لیڈروں‌ کی گرفتاریوں کے بعد حکومت مخالف تحریک کیلئے سبھی اپوزیشن جماعتیں‌ متفق نظر آتی ہیں.

جواب چھوڑیں

آپ کا ای میل ایڈریس شائع نہیں کیا جائے گا.