رکن قومی اسمبلی چودھری حسین الٰہی کی زیرصدارت ضمنی الیکشن کی تیاریوں کے حوالے سے جائزہ اجلاس ان کی رہائش گاہ پر منعقد ہوا جس میں تحریک انصاف کے ایم پی اے ندیم بارا، سٹی نائب صدر عبیدالرحمن، ارشد حسین بھٹی، ملک اعجاز، ملک نواز اعوان، عثمان بھٹی اور عرفان بھٹی سمیت دیگر سیاسی شخصیات نے شرکت کی۔
الیکشن پربات کرنے کو تیارتحریک انصاف کے دروازے کھلے ہیں, عمران خان

اجلاس سے خطاب کرتے ہوئے چودھری حسین الٰہی نے کہا کہ ہم اپنا سب کچھ چھوڑکر سابق وزیراعظم عمران خان کا ساتھ دے رہے ہیں، عمران خان اور چودھری پرویزالٰہی کا منشور ہے کہ نااہل حکمرانوں سے قوم کی جان چھڑائیں۔ انہوں نے کہا کہ تحریک انصاف نے چودھری پرویزالٰہی کو وزیراعلیٰ کا مشترکہ امیدوار نامزد کیا ہے، ہمارا بھی فرض ہے کہ ہم پی ٹی آئی کے امیدواروں کی جیت میں اپنا کردار ادا کریں اور اس نااہل امپورٹڈ حکومت کو ہٹا کر عوام کو ریلیف دلوائیں۔

مخصوص نشستوں پر ارکان کا حلف، پنجاب اسمبلی میں پارٹی پوزیشن تبدیل

انہوں نے کہا کہ میں شروع میں عمران خان کے ہیلتھ کارڈ کے حق میں نہیں تھا لیکن جب اس کا استعمال شروع ہوا اور لوگوں کا مہنگا علاج بالکل مفت ہونے لگا تو میں اس کا قائل ہو گیا۔ انہوں نے کہا کہ مسلم لیگ کے کارکن اور عہدیدار ضمنی علاقوں میں گھر گھر جا کر الیکشن مہم میں حصہ لے رہے ہیں، اس مشکل وقت میں ہم پی ٹی آئی کو اکیلا نہیں چھوڑیں گے۔

ضمنی انتخابات 2018 کے ووٹر لسٹوں کے مطابق ہوں گے، الیکشن کمیشن کا عدالت میں بیان

پی ٹی آئی کے رکن پنجاب اسمبلی ندیم بارا نے کہا کہ چودھری پرویزالٰہی نے 1122 سروس شروع کر کے لوگوں کے دل جیت لیے ہیں، شہبازشریف نے اس سروس کی فنڈنگ روکے رکھی اور اس کو بند کرنے کی کوششیں کی، ن لیگ صرف عوامی خدمت کے نام پر سیاست کرتی ہے لیکن خدمت سے ن لیگ کا کوئی تعلق نہیں