عظیم قوم بنانے کے دعویدار کے پاس وزارت اعلیٰ کا اپنا امیدوار تک نہیں،مریم نواز

0
37

عظیم قوم بنانے کے دعویدار کے پاس وزارت اعلیٰ کا اپنا امیدوار تک نہیں،مریم نواز
باغی ٹی وی کی رپورٹ کے مطابق مسلم لیگ ن کی رہنما مریم نواز نے کہا ہے کہ غلامی سے آزادی کا بھاشن دینے والا اپنے ارکان کو غلاموں سے بھی بدتر سمجھتا ہے،

مریم نواز کا کہنا تھا کہ جس کو پنجاب کا سب سے بڑا ڈاکو کہتا رہا آج اسی کیلئے ووٹ مانگ رہا ہے، اسی کو 12 کروڑ کے صوبے کا مالک بنانے کو تیار ہے، پنجاب منی گالہ نہیں جسے آپ کبھی بزدار،کبھی گوگی، پنکی اوراس کے بیٹوں کے حوالے کر دیں، عظیم قوم بنانے کے دعویدار کے پاس وزارت اعلیٰ کا اپنا امیدوار تک نہیں ،پنجاب کی خدمت کرنا اور پنجاب کو ٹھیکے پر دینے میں فرق ہے 2018میں پنجاب کے عوام نے نواز شریف کو مینڈیٹ دیا تھا،یہ جیتے جاگتے عوام کا صوبہ ہے، فتنہ خان کی اے ٹی ایم نہیں،

وفاقی وزیر ، ن لیگی رہنما خواجہ سعد رفیق کا کہنا ہے کہ عمران خان ملک کے تمام اداروں پر اپنا قبضہ چاہتے ہیں، 2018 کے انتخابات کے بعد ہر الیکشن میں عمران خان نے ہارس ٹریڈ نگ کی،عمران خان بتائیں وہ کس منہ سے جمہوریت کا دعویدار ہونے کی بات کرتاہے،بطور وزیراعظم آپ خود آئین شکن ہے، آج پنجاب میں ووٹ چوروں اور جمہوریت کے پاسداروں کا مقابلہ ہے ،خان صاحب آپ لاہور میں 7دن قیام کریں،دیکھیں گے یہ شہر کس کا ساتھ ہے،تحریک انصاف کے صدر،ڈپٹی اسپیکراوراسپیکر آئین شکن ہے ان لوگوں نے ارکان کو بھیڑاوربکریاں سمجھا ہوا ہے ہم عمران خان کے ہر بہروپ اور دھوکہ کو بے نقاب کرتے رہیں گے،دوسروں کو لوٹا کہنے والے عمران خان خود ہارس ٹریڈنگ کے ماہر ہیں، عمران خان کا سیاسی رویہ منافقانہ طرز کا ہے،الیکشن کمیشن واضح کر ے کہ فارن فنڈنگ کیس کا فیصلہ سنانے میں اور کتنی تاخیر ہے،عمرا ن خان جسے سب سے بڑا ڈاکو کہتے تھے آج اسی کو امیدوار نامزد کر دیا ہے،

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

قبل ازیں سندھ کے صوبائی وزیر اطلاعات سندھ شرجیل انعام میمن کا کہنا تھا کہ عمران خان وزیر اعلیٰ کے انتخاب سے قبل پرویز الٰہی کو پنجاب کا سب بڑا ڈاکو کہنے پران سے معافی مانگیںعمران خان اگر پرویز الٰہی سے معافی نہیں مانگتے تو قوم سے ضرور معافی مانگی بنی گالا میں فرح گوگی کے ذریعے جو کرپشن کی گئی ان پیسوں سے ووٹ خریدے جا رہے ہیں ۔ فرح گوگی کی رشوت کے مال سے لوگوں کا ایمان بھیچنے کے لیے بولیاں لگائی جا رہی ہیں

واضح رہے کہ پنجاب میں وزیراعلیٰ کے الیکشن آج ہو رہے ہیں، پی ٹی آئی کے امیدوار چوھدری پرویز الہیٰ ہیں جبکہ ن لیگ کے امیدوار حمزہ شہباز ہیں، پنجاب کے وزیراعلیٰ کے الیکشن آئندہ ملکی سیاست کا تعین کریں گے ،آصف زرداری، بلاول زرداری بھی لاہور میں ہیں اور گزشتہ دو روز سے آصف زرداری متحرک ہیں، پنجاب میں ملاقاتیں کر رہے ہیں، حکومت و اپوزیشن دونوں اپنے اپنے اراکین سے اتنے خوفزدہ تھے کہ انہیں ہوٹلوں میں رکھا گیا تھا اور اپنی نگرانی میں سب کو اجلاس میں لایا گیا ،پنجاب میں پارٹیوں کا اپنے اراکین پر سے اعتماد اٹھ چکا ہے

Leave a reply