اپنی زندگی پر بنائی جانے والی فلم سینما پردے پردیکھنے کی منتظر ہوں ثانیہ مرزا

بھارت کی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے گذشتہ برس اس بات کی تصدیق کی تھی کہ ان کی زندگی پر فلم بنائی جائے گی

ثانیہ مرزا کی زندگی پر بائیوگرافی فلم بنائے جانے کی باتیں 2018 سے ہو رہی ہیں اور تاہم ابھی تک ان کی فلم کی پہلی جھلک سامنے نہیں آ سکی

گذشتہ برس فروری میں ثانیہ مرزا نے ایک انٹرویو میں تصدیق کی تھی کہ ان کے اور فلم ساز رونی اسکرووالا کے درمیان فلم بنائے جانے کے حوالے سے معاہدہ طے پاگیا

ثانیہ مرزا نے حال ہی میں دئیے گئے ایک انٹرویو میں تصدیق کی کہ ان کے اور فلم ساز رونی اسکرووالا کے درمیان متعدد ملاقاتیں ہو چکی ہیں

ثانیہ مرزا کا کہنا تھا کہ فلم بنائے جانے کے معاملات تاحال ابتدائی مراحل میں ہیں تاہم وہ اپنی زندگی کی کہانی سینما پردے پر دیکھنے کی بہت منتظر ہیں اور ساتھ ہی وہ پرجوش بھی ہیں

ثانیہ مرزا کا کہنا تھا کہ ایسی فلمیں بنائے جانے کی سخت ضرورت ہے جن میں شخصیات کی جدوجہد کو دکھایا جاتا ہو

ٹینس سٹار نے بتایا کہ ان سمیت بھارت کی کئی اسپورٹس شخصیات کا تعلق انتہائی مضبوط خاندانوں سے نہیں ہے اور وہ سب بڑی محنت لگن اور جفاکشی کے بعد اپنی منزل پر پہنچے ہیں اور ان کی جدوجہد پر فلمیں بنائی جانی چاہئیے

انہوں نے یہ نہیں بتایا کہ ان کی زندگی پر بنائی جانے والی فلم کا نام کیا رکھا گیا ہے اور اس کی شوٹنگ کب تک شروع ہوگی اور ان کا کردار کون ادا کرے گا

واضح رہے کہ 2016 میں ثانیہ مرزا کی زندگی پر ایک کتاب بھی شائع ہوچکی ہے جس کا نام ‘ ایس اگینسٹ آڈز’ رکھا گیا تھا

ثانیہ مرزا اور شعیب ملک نے 12 اپریل 2010 کو شادی کی تھی جس کے بعد دونوں دبئی منتقل ہوگئے تھےشادی کے 8 سال بعد 30 اکتوبر 2018 کو ان کے ہاں پہلے بیٹے کی پیدائش ہوئی تھی

جواب چھوڑیں

آپ کا ای میل ایڈریس شائع نہیں کیا جائے گا.