ایپل نے معافی مانگ لی ، کس شرمناک بات پر معافی مانگی وجہ سامنے آگئی

نیویارک: ’’ ایپل ‘‘ نے سری کے ذریعے نجی نوعیت ریکارڈنگ سننے پر اپنے صارفین سے معافی مانگ لی ہے۔رپورٹ کے مطابق کچھ روز قبل اس بات کا انکشاف ہوا تھا کہ ایپل اسمارٹ فونز میں موجود ڈیجیٹل اسسٹنٹ ’سری‘ صارفین کی ریکارڈنگ گریڈنگ پروگرام کے تحت رکھے گئے کنٹریکٹرز کو بھیجتا تھا جس کا مقصد صارفین کو اعلی معیار کی سروسز فراہم کرنا تھا۔

ذرائع کے مطابق ایپل کی جانب سے جاری بیان میں کہا گیا ہے کہ ’’ ہمیں احساس ہے کہ ہم اپنے اعلیٰ مثالی اصولوں پر پورا نہیں اترے جس کے لئے اپنے تمام صارفین سے معذرت خواہ ہیں، ہم نے فیصلہ کیا ہے کہ سری کے حوالے سے کچھ ضروری تبدیلیاں لائی جائیں گی جس کے تحت اب صارفین کو یہ سہولت دی جائے گی کہ وہ اپنی مرضی سے ’’ سری گریڈنگ‘‘ کا آپشن استعمال کر سکیں گے‘‘۔