سانحہ اے پی ایس میں زخمی طالب علم احمد نواز کو برطانوی ایوارڈ ملنے پرخوشی ہوئی ہے ،عثمان بزدار

لاہور:  وزیراعلیٰ پنجاب سردارعثمان بزدارنے سانحہ اے پی ایس میں زخمی بہادر طالب علم احمد نواز کو برطانوی ایوارڈ ملنے پر مسرت کا اظہار کیا ہے۔ وزیراعلیٰ عثمان بزدار نے اپنے تہنیتی پیغام میں کہا ہے کہ بہادر طالب علم احمد نواز کو برطانوی پارلیمنٹ میں لیڈی ڈیانا ایوارڈ ملنے پر مبارکباد پیش کرتے ہیں۔اور ہمیں‌اس ایوارڈ کے ملنے پر بہت زیادہ خوشی بھی ہوئی ہے.

سانحہ اے پی ایس کے شہداء دلوں میں بستے ہیں اور غازی آنکھوں کا نور ہیں۔ احمد نواز جیسے بہادر اور ذہین طالب علم پاکستان کا روشن مستقبل ہیں۔ طالب علم احمد نواز کو نوجوانوں کی تعلیم کے حوالے سے خدمات پر لیڈی ڈیانا ایوارڈ ملنا پاکستان کیلئے اعزاز ہے۔

جواب چھوڑیں

آپ کا ای میل ایڈریس شائع نہیں کیا جائے گا.