آل پاکستان ٹیکسٹائل ملز ایسوسی ایشن کے سالانہ انتخابات ،گوہر اعجاز گروپ ہوا فتحیاب

آل پاکستان ٹیکسٹائل ملز ایسوسی ایشن کے سالانہ انتخابات میں گوہر اعجاز گروپ جیت گیا۔ عادل بشیر چئیرمین، عبد الرحیم ناصر سینئر نائب صدر اورامان اللہ قاسم سنٹرل چئیرمین منتخب ہو گئے۔

باغی ٹی وی کی رپورٹ کے مطابق آل پاکستان ٹیکسٹائل ملز ایسوسی ایشن کے سالانہ انتخابات میں گوہر اعجاز گروپ جیت گیا ہے۔ گوہر اعجاز گروپ کے عادل بشیر چئیرمین، عبد الرحیم ناصر سینئر نائب صدر اورامان اللہ قاسم سنٹرل چئیرمین منتخب ہو گئے۔

اپٹما لاہور میں پریس کانفرنس کے دوران گروپ چئیرمین گوہر اعجاز کا کہنا تھا کہ وہ دھاگے یا کپڑے کی نہیں بلکہ معیشت کو سب سے زیادہ سہارا دینے والی ٹیکسٹائل انڈسٹری کی نمائندگی کرتے ہیں۔ حکومت انہیں توانائی پالیسی دے۔

نومنتخب چئیرمین عادل بشیر اور سنٹرل چئیرمین امان اللہ قاسم نے کہا کہ کہ ٹیکسٹائل انڈسٹری کو پانچ سالہ گیس پالیسی دئیے بغیر مسائل حل نہیں ہوں گے، ہر ماہ گیس کے آنے والے زیادہ بل کو درست کروانے کے لئے ایس این جی پی ایل کے پاس جانا پڑتا ہے۔ اس ایشو سے حکومت نجات دلوائے تاکہ انڈسٹری کو پاؤں پرکھڑا کرسکیں،

گوہر اعجاز نے تمام جیتنے والے عہدیداران کو مبارکباد دی اور نیک خواہشات کا اظہار کرتے ہوئے کہا کہ امید ہے وہ انڈسٹری کی بہتری کے لئے اپنی تمام تر توانائیاں صرف کریں گے.