عرب امارات نے مودی کی خوشی کیلئے گاندھی کے ڈاک ٹکٹ بھی جاری کر دیے، پاکسان کو جواب میں کیا کرنا چاہیے،جانیے خاص رپورٹ

0
40

مودی کی خوشی کی خاطر متحدہ عرب امارات پوسٹ کی طرف سے گاندھی کے اعزاز میں ڈاک ٹکٹ جاری کر دیے گئے،اہل پاکستان اور کشمیریوں کے زخموں پر نمک پاشی کا ایک اور اقدام، پاکستان کو کیا کرنا چاہیے جانیے باغی ٹی وی کی خاص رپورٹ

باغی ٹی وی رپورٹ کے مطابق: مسلمانوں کے قاتل اور کشمیریوں پر عرصہ حیات تنگ کرنے والے بھارتی وزیر اعظم کو متحدہ عرب امارات کی طرف سے اعلیٰ ترین سول ایوارڈ دینے کے بعد یو اے ای کے پوسٹ آفس نے گاندھی کی 150 ویں سالگرہ پر یاداشتی ڈاک ٹکٹ شائع کیے ہیں. اپنے تعلقات بھارت کے ساتھ بڑھانے اور بھارتی سرکار کو مزید خوش کرنے پر متحدہ عرب امارات کی طرف سے یہ اقدام بھی مسلمانوں اور کشمیریوں کے لیے اذیت کا باعث ہے اور ان کے زخموں پر نمک پاشی کے مترادف ہے.

کشمیریوں پر ظلم و ستم کے پہاڑ توڑنے والی بھاجپا سرکار کو اس قدر پذیرائی کے جواب میں حکومت پاکستان کو بھی چاہیئے کو چند ایسے اقدام کرے جس سے متحدہ عرب امارات کو مناسب جواب ملے.جس سے واضح ہو کہ ان کے اقدام پر پاکستانیوں اور کشمیریوں نے نا راضگی اور نا پسندیدگی کا اظہار کیا ہے. .حکومت پاکستان کو چاہیے کہ وہ امارات ایئرلائن اور اتحاد ایئر ویز کو دی گئی سہولیات اور آسانیاں کم کرے. عرب شہزادوں کو پاکستان میں شکار کے مزید پرمٹ نہیں دینے چاہیے اور اسی طرح الاتصالات کمپنی کو دی گئ ریلیکسیشن بھی کم کردی جائے . اس کے اوپر جو واجبات قابل ادا ہیں ان کی واپسی کا فوری مطالبہ کیا جائے.
ان سب اقدام سے کم از کم پاکستان کی طرف سے عرب امارات تک ایک مضبوط پیغام پہنچے گا. اور ان کو پاکستان کے جذبات کا اندازہ ہو گا..

Leave a reply