اراکین قومی اسمبلی کو بھی "عزت” ملے گی، وزیراعلیٰ پنجاب نے کیا بڑا اعلان

اراکین قومی اسمبلی کو بھی "عزت” ملے گی، وزیراعلیٰ پنجاب نے کیا بڑا اعلان

باغی ٹی وی کی رپورٹ کے مطابق وزیراعلیٰ پنجاب سردار عثمان بزدار سے اراکین قومی اسمبلی اور صوبائی حکومت میں رابطے کیلئے کوآرڈینیٹرز (تحریک انصاف کے مرکزی سیکرٹری جنرل) عامر محمود کیانی اور چیف وہپ قومی اسمبلی عامر ڈوگر کی ملاقات ہوئی ہے، ملاقات میں اراکین قومی اسمبلی اور صوبائی حکومت کے درمیان کوآرڈینیشن کو مزید بہتر بنانے کا فیصلہ کیا گیا ہے.

وزیراعلیٰ پنجاب عثمان بزدار کا کہنا تھا کہ اراکین قومی اسمبلی کے حلقوں کے مسائل حل کئے جائیں گے۔ کسی کو منتخب نمائندوں کے جائز کام میں آڑے نہیں آنے دیا جائے گا۔ اراکین قومی اسمبلی کیلئے وزیراعلیٰ آفس کے دروازے کھلے ہیں۔اراکین قومی اسمبلی بھی اسی طرح عزیز ہیں جس طرح اراکین پنجاب اسمبلی۔

وزیراعلیٰ پنجاب کا مزید کہنا تھا کہ پنجاب حکومت اراکین قومی اسمبلی کے حلقوں میں بھی ترقیاتی کام کرا رہی ہے۔ اراکین قومی اسمبلی کو پورا عزت و احترام ملے گا۔ عوام کے مسائل کے حل کے لئے اراکین قومی اسمبلی سے مشاورت کا سلسلہ جاری رکھوں گا۔اراکین قومی اسمبلی کی تجاویز کو پوری اہمیت دی جائے گی اورقابل عمل تجاویز پر عملدرآمد ہوگا۔

وزیراعلیٰ پنجاب نے کیا تھیلیسیمیا کی مریض طالبہ آمنہ محمود بارے اہم اعلان

نوازشریف "یہ کام” کیا کرتے تھے، پنجاب اسمبلی میں بیان پر ہنگامہ

سالانہ ترقیاتی پروگرام کے تحت پنجاب میں کتنے فنڈز جاری ہوئے؟ وزیراعلیٰ نے بتا دیا

ان ہاؤس تبدیلی، حمزہ شہباز نے بڑا دعویٰ کر دیا

پنجاب میں فارورڈ بلاک، بزدار کی پریشانی دور کرنے اہم شخصیت نے کی وزیراعلیٰ سے ملاقات

عثمان بزدار کا مزید کہنا تھا کہ صوبے کے عوام کی خدمت کے سفر میں شانہ بشانہ چلیں گے۔تنقید برائے تنقید کے باوجود پنجاب حکومت کی کارکردگی تینوں صوبوں سے بہتر ہے۔سازشی عناصر تنقید کرتے رہ جائیں گے اور پنجاب آگے بڑھتا جائے گا۔