عبدالرشید ترابی کو جماعت اسلامی آزاد کشمیر سے نکال دیا گیا
عبدالرشید ترابی کو جماعت اسلامی آزاد کشمیر سے نکال دیا گیا
باغی ٹی وی کی رپورٹ کے مطابق جماعت اسلامی آزاد کشمیر کے سابق امیر عبدالرشید ترابی کو پارٹی کے فیصلوں کی خلاف ورزی کرنے پر جماعت اسلامی آزاد کشمیر سے نکال دیا گیا ہے
عبدالرشید ترابی حکمران جماعت تحریک انصاف کے امیدوار سردار تنویر الیاس کے حق میں دستبردار ہو گئے ہیں اور انہوں نے یہ فیصلہ جماعت کے ساتھ مشاورت کے بغیر کیا، باخبر ذرائع کے مطابق عبدالرشید ترابی کو امیر جماعت اسلامی سراج الحق نے ٹیلی فون بھی کیا لیکن عبدالرشید ترابی نے جماعت اسلامی کے امیر کی کال نہیں سنی اور واٹس ایپ پر کئے جانے والے میسج کا جواب بھی نہیں دیا
پی ٹی آئی کے حق میں دستبرداری کے بعد سابق امیر جماعت اسلامی آزاد کشمیر عبدالرشید ترابی کو جماعت اسلامی آزاد کشمیر سے نکال دیا گیا، انہوں نے امیر جماعت کا فون بھی نہیں اٹھایا اور وٹس ایپ پر ریپلائے بھی نہیں کیا۔ #AJK #JI @aturabiOfficial pic.twitter.com/PfkxM2R0xJ
— Taha طٰہٰ (@taahaa_) July 22, 2021
عبدالرشید ترابی کے اس فیصلے کے بعد جماعت اسلامی کے سیکرٹری جنرل امیر العظیم کا کہنا تھا کہ عبدالرشید ترابی کا اپنے حلقے میں امیدوار کے ساتھ سیٹ ایڈجسٹمنٹ کا فیصلہ ذاتی اور غلط ہے، جماعت اسلامی اس فیصلے سے برات کا اظہار کرتی ہے،جماعت اسلامی آزاد کشمیر اپنے امیر کی قیادت میں متحد ہے اور پورے کشمیر میں بغیر کسی اتحاد کے ترازو کے نشان پر الیکشن لڑ رہی ہے
جماعت اسلامی آزاد کشمیر کے امیر ڈاکٹر خالد نے اس حوالہ سے کہا کہ نظم کی اجازت کے بغیر تنویر الیاس سے اتحاد کرنے پر عبدالرشید ترابی جماعت اسلامی آزاد کشمیر کے سابق امیر کا جماعت سے اخراج کیا جاتا ہے، آئندہ سے انکا جماعت اسلامی آزاد کشمیر کے ساتھ کسی قسم کو کوئی بھی تعلق نہیں ہے
جماعت اسلامی آزاد کشمیر کے سابق امیر ممبر قانون ساز اسمبلی عبدالرشید ترابی کی بنیادی رکنیت اور ممبر شپ ختم کر دی گئی۔ ہے،سابق امیر نے مشاورت کے بغیر از خود فیصلہ کرتے ہوئے تحریک انصاف کے وسطی باغ حلقہ 15 سے امیدوار سردار تنویر الیاس کے حق میں الیکشن سے دستبرداری کا اعلان کیا تھا