fbpx

صدر مملکت سے آسٹریلیا میں پاکستانی نامزد سفیر زاہد حفیظ چوہدری کی ملاقات

صدر عارف علوی سے سبکدوش ہونے والے ترجمان وزارت خارجہ اور آسٹریلیا میں پاکستان کے نامزد سفیر زاہد حفیظ چوہدری نے ملاقات کی-

باغی ٹی وی :تفصیلات کے مطابق ملاقات میں صدر عارف علوی نے کہا کہ پاکستان آسٹریلیا کے ساتھ دو طرفہ تعلقات کو انتہائی اہمیت دیتا ہے پاکستان باہمی دلچسپی کے تمام شعبوں میں آسٹریلیا کے ساتھ تعاون مزید مستحکم کرنا چاہتا ہے-

صدر مملکت نے کہا کہ پاکستان کی سماجی و اقتصادی ترقی کیلئے تعلیم اور پیشہ ورانہ تربیت کے شعبوں میں دوطرفہ تعاون فروغ دینے کی ضرورت ہے، پاکستان اور آسٹریلیا کے درمیان تجارتی اور اقتصادی تعاون بڑھانے کے وسیع امکانات ہیں-

میر ے کابل جانے کی بھارتی میڈیا کی رپورٹس بے بنیاد ہیں شاہ محمود قریشی

صدر مملکت نے مزید کہا کہ پاکستان آسٹریلیا کے ساتھ مختلف شعبوں بالخصوص زراعت ، تجارت ، کان کنی اور انفارمیشن ٹیکنالوجی میں دوطرفہ تعاون بڑھانا چاہتا ہےپاکستان نے کاروبار دوست پالیسیاں اپنائیں ، اپنی توجہ جغرافیائی سیاست سے جیو اکنامکس پر منتقل کی –

عارف علوی نے کہا کہ نامزد ہائی کمشنر آسٹریلیا میں پاکستانی شہریوں کی سہولت اور فلاح و بہبود کے لیے کام کریں ، ہر ممکن تعاون فراہم کریں آسٹریلیا میں پاکستانی طلباء کی قابل ذکر تعداد موجود ، دونوں ممالک کے درمیان تعلیمی تعاون مزید بڑھانے کی ضرورت ہے-

صدر پاکستان نے زاہد حفیظ چوہدری کو آسٹریلیا میں پاکستان کے ہائی کمشنر کے طور پر تقرری پر مبارکباد اور کہا کہ نامزد سفیر پاکستان آسٹریلیا تعاون مزید مضبوط اور متنوع بنانے میں اپنا کردار ادا کریں-