fbpx

ارجیت سنگھ اور ان کی اہلیہ کورونا کا شکار

معروف بالی ووڈ گلوکارارجیت سنگھ اور ان کی اہلیہ کورونا کا شکار ہوگئے۔

باغی ٹی وی : بھا رت میں کورونا وائرس کی نئی لہر پھیلنے کے بعد تیزی سے کورونا کے مریضوں میں اضافہ ہورہا ہے اور عام لوگوں کے ساتھ ساتھ مشہور فنکار بھی اس جان لیوا وائرس کا شکار ہورہے ہیں حال ہی میں بالی ووڈ کے معروف گلوکار ارجیت سنگھ اور ان کی اہلیہ کوئل روئے کورونا کا شکار ہوگئے۔

گلوکارسونو نگم فیملی سمیت کورونا وائرس کا شکار

ارجیت سنگھ نے یہ خبر اپنے سوشل میڈیا اکاؤنٹ پر دیتے ہوئے کہا کہ میرا اور میری بیوی کا کورونا ٹیسٹ مثبت آیا ہے ہم دونوں ٹھیک ہیں اور قرنطینہ میں ہیں۔

واضح رہے کہ اس سے قبل نامور بالی ووڈ اداکارہ سوارا بھاسکر کورونا وائرس کا شکار ہوگئیں حال ہی میں بھارتی اداکارہ سوارا بھاسکر کا کووڈ 19 ٹیسٹ مثبت آیاہے۔ سوارا بھاسکر نے یہ خبر سوشل میڈیا پر مداحوں کے ساتھ شیئر کرتے ہوئے کہا کہ 5 جنوری کو ان میں کورونا کی علامات ظاہر ہوئی تھیں بعد ازاں ٹیسٹ کروانے کے بعد ان میں کورونا وائرس کی تصدیق ہوگئی۔

اکشے کمار کی فلم ریلیز سے قبل ہی تنازعات کا شکار

اداکارہ نے مزید کہا کورونا وائرس کا ٹیسٹ مثبت آنے کے بعد میں اور میرے گھروالے 5 جنوری کی شام سے ہی قرنطینہ میں ہیں اور میں تمام احتیاطی تدابیر اختیار کررہی ہوں سوارا بھاسکر نے ان سے گزشتہ ایک ہفتے کے دوران رابطے میں آنے والے تمام لوگوں سے اپنا کورونا ٹیسٹ کروانے اور ڈبل ماسک پہننے کی درخواست کی۔

واضح رہے کہ حال ہی میں بالی ووڈ اداکارہ کرینہ کپور، ایکتا کپور، نورا فتیحی، ارجن کپور، پریم چوپڑا، مہیش بابو، ایریکا فرنینڈس، درشتی دھامی سمیت متعدد فنکار کورونا وائرس کا شکار ہوچکے ہیں۔

بھاری معاوضہ مانگنے والے اداکاروں کو کرن جوہر کا چیلنج

Facebook Notice for EU! You need to login to view and post FB Comments!