fbpx

آرمی چیف کی مدت ملازمت میں توسیع، پارلیمنٹ ترمیم کر سکتی ہے یا نہیں؟ مولانا کا بڑا دعویٰ

آرمی چیف کی مدت ملازمت میں توسیع، پارلیمنٹ ترمیم کر سکتی ہے یا نہیں؟ مولانا کا بڑا دعویٰ

باغی ٹی وی کی رپورٹ کے مطابق جمعیت علمائے اسلام ف کے سربراہ مولانا فضل الرحمان نے سکھر میں جے یو آئی کے زیر اہتمام جلسہ سے خطاب کرتے ہوئے پارلیمنٹ سے آرمی چیف کی مددت ملازمت میں توسیع کے معاملے پر نیا مطالبہ کر دیا۔ مولانا فضل الرحمان کا کہنا تھا کہ یہ پارلیمنٹ آئین میں ترمیم کا مینڈیٹ نہیں رکھتی۔ ترمیم نئی حکومت ہی کرے گی ،فوری انتخابات کا وعدہ فوری پورا کیا جائے نہیں تو ہم دوبارہ اسلام آباد آئیں گے۔

آرمی چیف کی مدت ملازمت میں توسیع، مولانا فضل الرحمان بھی خاموش نہ رہ سکے، کیا کہا؟

مولانا فضل الرحمان کا مزید کہنا تھا کہ ملک کو نااہلوں کی سازشوں کا شکار نہیں ہونے دیں گے۔ احتساب کے نام پر ملک کی معیشت کا پہیہ جام کر کے رکھ دیا ہے۔ جو دوسروں کو بدعنوان کہہ رہے ہیں انہیں اپنی چوری نظر ہی نہیں آ رہی ۔ فارن فنڈنگ کیس اب تک التوا کا شکار ہے اور دوسروں کو چور کہنے والے خود اربوں روپے باہر سے فنڈنگ لے چکے ہیں۔ ریاست مدینہ کی بات کرنے خود اپنی چوری کا جواب نہیں دے رہے۔ ایسے حکمرانوں سے نجات حاصل کرنا ہی بہتر ہے جو کشمیر کو بیچ کر اب مگر مچھ کے آنسو بہا رہے ہیں۔

اپوزیشن جماعتوں کی اے پی سی ختم، پلان اے ،بی، سی ختم پھر بھی مولانا امید سے

فارن فنڈنگ کیس، شیخ رشید نے بھی بڑا مطالبہ کر دیا

فارن فنڈنگ کیس سماعت سے قبل وزیراعظم عمران خان کے لئے ایک اور مشکل

غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا

مولانا فضل الرحمان کا مزید کہنا تھا کہ ناروے میں پولیس کی موجودگی میں قرآن پاک کو جلایا گیا، امت مسلمہ کے ساتھ نفرت کا مظاہرہ کون کر رہا ہے ؟ میں ناروے کے اس مسلمان نوجوان کو بھی خراج تحسین پیش کرتا ہوں جس نے قرآن پاک کی حفاظت کے لیے دفاع کیا۔

مولانا فضل الرحمان نے مزید کہا کہ ہم جس آئین و قانون کا احترام کرنا چاہتے ہیں اس کی قدر کرو وگرنہ داستاں تک بھی نہ ہوگی تمہاری داستانوں میں۔اب تک قبول اور برداشت کرتے رہے ہیں لیکن اب نہیں کریں گے۔ انصاف میں تاخیر بھی انصاف کے قتل کے مترادف ہے۔ ہم نےاس ملک کو سنبھالنا ہے ، تمام حزب اختلاف متفق ہے کہ کسی ناجائز حکمران کو تسلیم نہیں کیا جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.