آرمی چیف کے مغربی سرحد پر خطرے کی بات کے بعد آج پشاور میں جنگی جہازوں کی پروازیں
باغی ٹی وی کی رپورٹ کے مطابق کل آرمی چیف کے مغربی سرحد پر خطرے کی بات کے بعد آج پشاور میں جنگی جہازوں کی پروازیں دیکھنے میں آئی ہیں
سماجی رابطے کی ویب سائٹ پر پشاور سے صحافی نے ٹویٹ کرتے ہوئے کہا کہ کل آرمی چیف کے مغربی سرحد پر خطرے کی بات کے بعد آج پشاور میں جنگی جہاز مسلسل اڑ رہے ہیں اللہ خیر
کل آرمی چیف کے مغربی سرحد پر خطرے کی بات کے بعد آج پشاور میں جنگی جہاز مسلسل اڑ رہے ہیں اللہ خیر
— JB (@JBaghwan) September 10, 2020
صحافی کی ٹویٹ پر ایک صارف نے ردعمل میں کہا کہ کل کا بیان صاف الفاظ میں بتاتا ہے کہ حالات کچھ اچھے نہیں۔
کل کا بیان صاف الفاظ میں بتاتا ہے کہ حالات کچھ اچھے نہیں۔ https://t.co/z3qbGzwqxa
— Ahmad Ayaz (@Ahmad_sayss) September 10, 2020
واضح رہے کہ پاک فوج کے سپہ سالار جنرل قمر جاوید باجوہ نے کہا ہے کہ خطے کی موجودہ صورتحال کے تناظر میں جنگی تیاریاں بڑھانا ہونگی۔
پاک فوج کے ترجمان میجر جنرل بابر افتخار کی جانب سے سماجی رابطوں کی ویب سائٹ ٹویٹر پر جاری بیان میں بتایا گیا ہے کہ آرمی چیف جنرل قمر جاوید باجوہ کے زیر صدارت کور کمانڈرز کانفرنس ہوئی جس میں خطے کی موجودہ صورتحال کا جائزہ لیا گیا۔
ڈی جی آئی ایس پی آر کے مطابق فورم کو خطے میں ہونے والی پیشرفت، خاص طور پر لائن آف کنٹرول (ایل او سی) کی صورتحال پر بریفنگ دی گئی۔ عسکری قیادت نے کنٹرول لائن پر صورتحال اور آپریشنل ڈیپلائمنٹ کا جائزہ لیا۔
آرمی چیف کا کانفرنس سے خطاب میں کہنا تھا کہ پاکستان کے اہم مفادات کے خلاف کچھ عناصر ہائبریڈ وار فیئر میں ملوث ہیں۔ پاکستان کے خلاف ہائبریڈ وار فیئر کے حوالے سے حکومتی پالیسی کے مطابق اقدامات کیے جائیں۔ خطہ کی موجودہ صورتحال کے تناظر میں جنگی تیاریوں کو بڑھانا ہوگا۔
ترجمان پاک فوج کے مطابق کور کمانڈرز کانفرنس میں مقبوضہ جموں وکشمیر کی صورتحال پر تفصیلی بحث کی گئی جبکہ کانفرنس میں افغانستان کی صورتحال کا بھی تفصیلی جائزہ لیا گیا۔
کور کمانڈرز نے ملکی اندرونی سیکیورٹی کی بہتر صورتحال پر اطمینان کا اظہار کیا۔ آرمی چیف نے محرم میں سول انتظامیہ کی مدد کے لیے فارمیشنز کی کارکردگی کو سراہا۔
آرمی چیف کا شمالی وزیرستان کا دورہ،دشمن کی چالوں کو ناکام بنانے کیلئے تیار رہنا ہوگا،آرمی چیف