آرنلڈ شوازنگر کے دل کی دوسری کامیاب سرجری

باڈی بلڈنگ کے چمپئن اور ایکشن ہیرو اور امریکی ریاست کیلیفورنیا کے سابق گورنر 73 سالہ آرنلڈ شوازنگر کے دل کی ایک بار پھر کامیاب سرجری ہوئی ہے اور وہ خود کو پہلے سے کافی بہتر محسوس کررہے ہیں۔

باغی ٹی وی : سماجی رابطے کی ویب سائٹ ٹویٹر پر اپنے آرنلڈ شوازنگر نے دل کے آپریشن کی تفصیلات بتاتے ہوئے لکھا کہ پلمونری وال کے بعد آورٹک وال بھی تبدیل کردیا گیا ہے جس کے بعد خود کو کافی بہتر محسوس کر رہا ہوں۔


ہالی وڈ اداکار نے کلیولینڈ کلینک کے تمام معالجین اور طبی عملے کا بھی شکریہ ادا کیا اور ہاسپٹل کی ایک تصویر شئیر کی جس میں آرنلڈ مطمئن اور صحت یاب دکھائی دے رہے ہیں۔

علاوہ ازیں انہوں نے اپنے مداحوں کے لیے شہر کے مختلف مقامات پر نصب مجسموں کے ساتھ تصاویر بھی شیئر کیں –

ان تصاویر کے بارے میں ہالی وڈ اسٹار نے مزید لکھا کہ آپریشن سے قبل کلیولینڈ کی گلیوں میں چہل قدمی کر چکا ہوں جہاں خوبصورت مجسموں نے میرا دل موہ لیا ہے –

واضح رہے کہ فلمی دنیا اور امریکی سیاست میں یکساں طور پر مقبول رہنے والے آرنلڈ شوارزنیگر کی اس سے قبل 2018ء میں اوپن ہارٹ سرجری ہوچکی ہے، جس میں پلمونری وال تبدیل کیے گئے تھے۔

جواب چھوڑیں

آپ کا ای میل ایڈریس شائع نہیں کیا جائے گا.