fbpx

اسد قیصر کیخلاف احتجاج: سابق اسپیکر نے اپنے لوگوں کو نوازا اور ہمارے نمبرز بلاک کردیئے، مظاہرین

صوابی میں سابق اسپیکر اسد قیصر کے ورکرز کنونشن میں بد نظمی دیکھنے میں آئی اور کارکنان کی طرف سے ان کو نظرانداز کرنے پر احتجاج

صوابی میں پی ٹی آئی کی طرف سے منعقدی کنونشن کے دوران کارکن نے احتجاج شروع کردیا، سابق اسپیکر اسد قیصر کی تقریر کے دوران گذشتہ روز ایک لیاقت نامی کارکن کو نظر انداز کرنے پر انہوں نے احتجاج کیا۔

لیاقت نے الزام لگایا کہ سابق اسپیکر اسد قیصر نے کمیٹی میں اپنے لوگوں کو بھرتی کیا اور ہمارے نمبرز بلاک کیے رکھے اور تاکہ ہم انہیں کالز نہ کر سکیں.

اسد قیصر نے کارکن کو خاموش کرانے کی کوشش کی لیکن ورکر کے احتجاج جاری رکھنے پر اسد قیصرکے حامیوں نے انہیں دھکے دے کر حجرے سے باہر نکال دیا۔

تاہم لیاقت نے کہا کہ ہم اسد قیصر کی ناانصافیوں کے خلاف احتجاج جاری رکھیں گے. کیوںکہ انہوں نے اسپیکرشپ کے دوران اپنے زاتی رشتہ داروںکو نوازا ہے.