fbpx

اصل تبدیلی کیسے آتی ہے کراچی کے شہریوں نے بتا دیا

کراچی ساحل سمندر پر کوڑے کا ڈھیر صاف کرکے شہریوں نے خوبصورت پودے لگا دیے-

باغی ٹی وی : راچی کے شہریوں کی ایک بڑی تعداد نے وزیر اعظم عمران خان کے وژن پر عمل کرتے ہوئے بتا دیا کہ اصل تبدیلی کیسے آتی ہے شہریوں نے ساحل سمندر پر پڑے کوڑے کرکٹ کے ڈھیر کو صوف کر کے وہاں پودے لگا دئیے ہیں جو کہ ساحل پر ایک خوبصورت اور دلکش نظارہ پیش کر رہے ہیں-

واضح رہے کہ وزیرا عظم عمران خان نے کہاتھا کہ ماحولیاتی آلودگی میں کمی لانے کیلئے شجرکاری بہت ضروری ہے ہر پاکستانی اگر ایک درخت لگا دے تو انقلا ب آجائے گا۔

وزیرا عظم عمرا ن خان نے ٹین بلین شجرکاری مہم کا آغاز کرتے ہوئے اس حوالے سے منعقدہ تقریب سے خطاب میں کہنا تھا کہ برسات میں شجرکا ر ی مہم کررہے ہیں گلوبل وارمنگ سے بچنے کے لئے زیادہ سے زیادہ درخت لگانے ہوں گےخواہش ہے کہ ہر پاکستانی شجرکاری میں حصہ لے،ہمارے 10ارب درختوں کے ٹارگٹ کودنیا نے سراہا ہے۔

عمرا ن خان نے کہا تھا کہ میں نے تمام ڈپٹی کمشنرز اور دیگر انتظامیہ کو ہدایت دی ہے کہ پاکستان کے تمام شہروں میں زیادہ سے زیادہ شجرکاری کی جائے ، شہروں میں کوئی ایسی جگہ نہ ہو جہاں درخت نہ لگے ہوں-

انہوں نے کہا تھا کہ ہمارے درخت لگانے کامقصد یہ ہے کہ ہماری آنے والی نسلیں ماحولیاتی مسائل سے محفوظ رہیں اور انہیں ایک بہتر پاکستان ملے-

واضح رہے کہ دوسری جانب کراچی میں غیر سیاسی اور اسلامی جماعت دعوت اسلامی کے میڈیا ترجمان کا کاکہنا تھا کہ دعوت اسلامی تنظیم میں اگست میں 25 لاکھ پودے لگانے کی ذمہ داری لی ہے اسلامی تنظیم ملک میں اگست کے آخر تک 25 لاکھ پودے لگائے گی جس میں ان کے معلم ، اساتذہ اور مدارس کے بچے بھی شامل ہوں گے-