” آسیہ اندرابی کو رہا کرو” ٹویٹر پر ٹاپ ٹرینڈ بن گیا

” آسیہ اندرابی کو رہا کرو” ٹویٹر پر ٹاپ ٹرینڈ بن گیا

باغی ٹی وی :آسیہ اندرابی کو رہا کرو ٹویٹر پر ٹاپ ٹرینڈ بن گیا ، مقبوضہ کشمیر کی آزادی اور حریت کاا ستعارہ سمجھی جانے والی عظیم خاتون آپا سیدہ آسیہ اندرابی کی رہائی کے سلسلے میں ٹویٹر پر جاری ٹرینڈ ٹاپ ٹرینڈز میں شامل ہو گیا ہے آسیہ اندرابی اور ان کے خاوند نے اپنی پوری زندگی کشمیر کی آزادی اور بھارت سے نجات حاصل کرنے میں‌صرف کر دی ہے ، ان کی زندگی کا بیشتر حصہ اب جیل اور کال کوٹھڑی میں گزرا ہے. بھارتی افواج کے مظالم و جور کا جواں ہمتی سے مقابلہ کرنے والوں کے لیے پاکستان سمیت دنیا بھر میں پھر سے آواز اٹھی ہے اور ان کی رہائی کا تقاضا کیا گیا ہے.

شبیر شاہ، مسرت عالم، آسیہ اندرابی عدالت کے حکم پر جیل منتقل

واضح رہے کہ دختران ملت کی چیئرپرسن سیدہ آسیہ اندرابی 2017 سے دہلی میں قید ہیں، انہیں مودی سرکار نے پاکستان کا پرچم اٹھانے اور پاکستان زندہ باز کے نعرے لگانے کے جرم میں غداری کا مقدمہ درج کر کے گرفتار کیا ہوا ہے،25 مارچ 2015 کو آسیہ اندرابی نے کشمیر میں پاکستان کا قومی ترانہ گاتے ہوئے پاکستانی پرچم لہرایا۔ بعد ازاں اسی سال پاکستان کے یوم آزادی پر دختران ملت کی چیئرپرسن نے ایک تقریب میں پاکستانی پرچم لہرایا، 12 ستمبر 2015 کو حریت پسند رہنما سیدہ آسیہ اندرابی نے ایک گائے ذبح کر کے اس کی ویڈیو جاری کرتے ہوئے جموں و کشمیر میں گائے کا گوشت فروخت کرنے کی پابندی پر احتجاج کیا تھا،سیدہ آسیہ اندرابی کے شوہر ڈاکٹر قاسم فکتو بھی عمر قید کی سزا کاٹ رہے ہیں.

حریت رہنما مسرت عالم 2010 سے جیل میں ہیں، انہیں عدالتی حکم کے باوجود رہا نہیں کیا جاتا ،یاسین ملک کی جماعت پر پابندی لگا کر بھارت سرکار نے انہیں گرفتار کیا ہوا ہے.
کشمیر میں پاکستانی پرچم لہرانے والی آسیہ اندرابی کی رہائشگاہ کو سربمہر کر دیا گیا

جواب چھوڑیں

آپ کا ای میل ایڈریس شائع نہیں کیا جائے گا.