آصف علی زرداری کی آج 67 ویں سالگرہ

پیپلزپارٹی کے شریک چیئرمین اور سابق صدر مملکت آصف علی زرداری کی آج 67 ویں سالگرہ ہے ، تاہم آصف زرداری اپنی سالگرہ منانے کیلئے دبئی گئے ہیں اور اس حوالے سے کئی چہ مگوئیاں بھی ہوتی رہی ہیں.صوبائی وزیر اطلاعات سندھ شرجیل میمن نے آصف زرداری کی اچانک دبئی روانگی سے متعلق وضاحت دیتے ہوئے کہا کہ آصف علی زرداری سالگرہ نواسے کے ساتھ منانے کے لیئے دبئی گئے ہیں۔

شرجیل میمن نے بتایا کہ آصف علی زرداری کو بھاگنے کی ضرورت نہیں ہے وہ اپنی نواسے کی سالگرہ میں شرکت کرنے دبئی گئے ہیں،بھاگنے کی ضرورت اب پی ٹی آئی کو ہے،انہوں نے کہا کہ زرداری اکیلے ان سب کے لیئے کافی ہیں وہ جلد واپس آئیں گے۔

دوسری جانب ترجمان بلاول ہاوس کا کہنا ہے کہ آصف زرداری چاہتے تھے کہ وہ نانا کے طور پر اپنی پہلی سالگرہ کا دن اپنے اکلوتے نواسے کے ساتھ منائیں،آصف زرداری سےخوفزدہ اورعناد رکھنے والے عناصر موقع دیکھتے ہیں نہ محل، ہر بات کا بتنگڑ بنا دیتے ہیں،آصف زرداری کے خلاف چہ میگوئیاں کرنے والے ٹھنڈا پانی پئیں،وہ مختصر دورِ دبئی مکمل کرکے جلد وطن لوٹ آئیں گے۔