آصف علی زرداری کا طبی معائنہ،ڈاکٹرزنے بیرون ملک علاج کا مشورہ دے دیا

کراچی :کراچی کے نجی اسپتال میں زیرعلاج سابق صدر آصف علی زرداری کے علاج اور تشخیص پر دبئی سے آنے والے ڈاکٹرز کی ٹیم نے اطمینان کا اظہار کیا ہے۔

ذرائع کے مطابق دبئی سے آنیوالے ڈاکٹرز کی ٹیم نے آصف علی زرداری کا معائنہ کیا، ڈاکٹرز کا کہنا ہے کہ تشخیص اورعلاج درست سمت میں کیا جارہا ہے۔دبئی سے آنیوالے ڈاکٹرز کی ٹیم ماہرین امراض سینہ پر مشتمل ہے۔ معائنے کے موقع پر بلاول بھٹو زردار اور آصفہ بھٹوزرداری بھی موجود تھیں۔

خیال رہے کہ سابق صدر آصف علی زرداری تاحال اسپتال میں زیرعلاج ہیں ذرائع کے مطابق سابق صدرآصف زرداری کے آج بھی کچھ ٹیسٹ کیےگئے

دوسری طرف ذرائع کے مطابق ذرائع کا کہنا ہے کہ ڈاکٹروں کی جانب سے آصف زرداری کو بیرون ملک منتقل کرنے پر غور کیا جارہا ہے تاہم حتمی فیصلہ بیرون ملک سے آنے والے خصوصی معالج کرینگے۔

ذرائع نے بتایا ہے کہ آصف زرداری کے بیرون ملک سے آنے والے معالجین کی ٹیم کو خصوصی سیکیورٹی میں ضیا الدین اسپتال میں موجود ہیں جن سےبلاول بھٹو اپنے والد آصف زرداری کی صحت سے متعلق غیر ملکی ڈاکٹروں کی ٹیم صلاح و مشورہ کریںگے۔