عاصم اظہر اور ٹک ٹاک اسٹار ارکا حق کے گانے کا ٹیزر جاری

0
28

گلوکار عاصم اظہر اور ٹک ٹاک اسٹار اریکا حق کے نئے گانے’تُم تُم‘ کا ٹیزر جاری ہوگیا ہے۔

باغی ٹی وی : سماجی رابطے کی ویب سائٹ ٹوئٹر پر عاصم اظہرنے اپنے نئے گانے کا ٹیزر جاری کیا ہے۔

ٹیزر میں دیکھا جاسکتا ہے کہ عاصم اظہر کے اس نئے گانے میں اداکارہ ہانیہ عامر، اداکار اسد صدیقی، ٹک ٹاک اسٹار اریکا حق، اُردو ریپ سانگ کے گلوکار رامس، طلحہ یونس، طلحہ انجم اور گلوکار و اداکار تیمور صلاح الدین عرف مورو جلوہ گر ہوں گے۔


عاصم اظہر کے اس نئے گانے کا نام ’تُم تُم ‘ ہے اور یہ گانا رواں سال 2 جولائی کو ریلیز کیا جائے گا-
https://www.instagram.com/p/CB_GPjSDd39/
دوسری جانب ہانیہ عامر نے بھی انسٹاگرام پر گانے’تُم تُم‘ کا ٹیزر جاری کرتے ہوئے اپنے ساتھی فنکاروں کے لیے نیک خواہشات کیا اظہار کیا۔

واضح رہے کہ گزشتہ دنوں جب گلوکار عاصم اظہر نے پاکستان کی مقبول ٹک ٹاک اسٹار اریکا حق کے ساتھ اپنے نئے آنے والے گانے کی تصویر سوشل میڈیا پر شیئر کی تھی تصویر وائرل ہونے کے بعد جب عاصم اظہر کے مداحوں کو معلوم ہوا کہ اُن کے نئے پروجیکٹ میں اریکا حق اُن کے ساتھ ہیں تو اُس کے بعد سے اُن کے مداح سوشل میڈیا پر عاصم اظہر اور اریکا حق کو شدید تنقید کا نشانہ بنایا تھا اُن کا کہنا تھا کہ آپ نے ایک ٹک ٹاک اسٹار کو اپنے گانے میں لیکر اپنے مداحوں کو مایوس کردیا ہے-

جس پر مداحوں کی تنقید کا جواب دیتے ہوئے عاصم اظہر نے کہا تھا کہ کمال ہے ویسے لوگ پہلے ڈپریشن اور مینٹل ہیلتھ پر لیکچر دیتے ہیں اور کچھ دن بعد خود کسی کو اپنی غنڈہ گردی اور نفرت سے ڈپریشن کا شکار بنا دیتے ہیں –

جبکہ اداکارہ صبا قمر بھی اریکا حق کی حمایت میں سامنے آئیں اور کہا کہ اریکا جیسے نوجوانوں کو اپنی نفرت ، طنزیہ تبصروں اور ٹرول سے ذہنی اذیت میں مبتلا نہ کریں آپ کو اندازہ نہیں ہے کہ یہ کتنا سخت اور وحشتناک ہے ایسا کرنے کی بجائے سب کے لیے پیار و محبت کا اظہار کریں۔

صبا قمر نے مزید کہا تھا کہ میری تمام سپورٹ اُن تمام نوجوانوں کے ساتھ ہے جو اپنی زندگی کو بہتر بنانے کے لیے جدوجہد کر رہے

تاہم اب گانے کے ٹیزر میں ہانیہ عامر ،عاصم اظہر ، طلحہ انجم اور طلحہ یونس کو دیکھنے کے بعد مداح خوش ہوگئے ہیں اور اُن کا کہنا ہے کہ وہ صرف ان سب کی وجہ سے گانا ’تُم تُم‘ سُنیں گے۔


https://twitter.com/NamalKh04001620/status/1277266859692363777?s=20

صبا قمر ٹک ٹاک اسٹار اریکا حق کی حمایت میں بول پڑیں

لوگ پہلے ڈپریشن اور مینٹل ہیلتھ پر لیکچر دیتے ہیں اور کچھ دن بعد خود کسی کو اپنی نفرت سے ڈپریشن کا شکار بنا دیتے ہیں عاصم اظہر

Leave a reply