fbpx

پشاور: تورغر میں آسمانی بجلی گرنے سے 11 افراد جاں بحق

پشاور: خیبر پختونخوا کے ضلع تورغر میں آسمانی بجلی گرنے سے 11 افراد جاں بحق ہو گئے۔

باغی ٹی وی : خیبر پختون خوا میں ہزارہ ڈویژن کے ضلع تورغر کے گاؤں جھٹکا کے قریب کنڑا میں آسمانی بجلی گرنے اور شدید بارشوں کے باعث 3 مکانات تودے تلے دب گئے۔

پولیس کے مطابق حادثے میں 8 خواتین اور بچیوں سمیت 14 افراد جاں بحق اور 2 خواتین زخمی ہوگئیں حادثہ تیز بارش کے بعد آسمانی بجلی گرنے اور لینڈ سلائیڈنگ کی وجہ سے پیش آیا ہے –

پولیس اور ریسکیو ٹیم موقع پر پہنچ گئیں، جنہوں نے اب تک 11 لاشیں نکال لی ہیں جاں بحق ہونے والوں میں خواتین اور بچے بھی شامل ہیں، مزید 3 لاشوں کو نکالنے کے لیے امدادی کارروائی جاری ہے۔

وزیر اعلیٰ خیبرپختونخوا نے تورغر میں آسمانی بجلی گرنے سے قیمتی جانوں کے ضیاع پر گہرے رنج اور غم کا اظہار کیا۔ انہوں نے متاثرہ خاندانوں سے دلی ہمدردی اور تعزیت کا اظہار کیا۔

وزیر اعلیٰ خیبر پختونخوا نے ضلعی انتظامیہ اور ریسکیو حکام کو ہنگامی طور پر امدادی کارروائیاں شروع کرنے کی ہدایت کرتے ہوئے کہا کہ حکومت متاثرین کو تنہا نہیں چھوڑے گی اور ہر ممکن مدد کی جائے گی۔

Facebook Notice for EU! You need to login to view and post FB Comments!