انسانی اسمگلروں نے شہری کو 1600 ڈالر میں فروخت کر دیا

arrest

اینٹی ہیومن ٹریفکنگ سرکل نے شہری پر تشدد، اغوا اور انسانی اسمگلنگ میں ملوث 2 ملزمان کو گرفتار کرلیا۔

باغی ٹی وی کے مطابق اینٹی ہیومن ٹریفکنگ سرکل کراچی نے کارروائی کرتے ہوئے شہری پر تشدد، اغوا اور انسانی اسمگلنگ میں ملوث 2 ملزمان گرفتار کر لئے۔ ایف آئی اے کے مطابق گرفتار ملزمان میں شاہد ندیم اور محمد کاشف شامل ہیں، ملزمان کو کراچی کے مختلف علاقوں سے گرفتار کیا گیا، ملزم سادہ لوح شہریوں سے ویزا فراڈ کرنے میں ملوث پائے گئے ہیں۔ایف آئی اے ترجمان کا کہنا ہے کہ ملزم شاہد ندیم نے شہری کو کمبوڈیا ملازمت کا جھانسہ دے کر 7 لاکھ روپے بٹورے، ملزم شاہد ندیم نے دیگر ساتھیوں کی ملی بھگت سے متاثرہ کو 1600 امریکی ڈالر کے عوض فروخت کر دیا، متاثرہ کو بعد ازاں کمبوڈیا میں سیف ہاس میں رکھ کر تشدد کا نشانہ بنایا جاتا رہا۔

ایف آئی اے کا کہنا ہے کہ ملزم محمد کاشف نے 7 شہریوں کو آئرلینڈ ملازمت کا جھانسہ دے کر فی کس 10 لاکھ روپے کا معاہدہ کیا، دبئی پہنچنے پر مسافروں نے ایجنٹ کی جانب سے دئیے گئے جعلی پاسپورٹ پر آئرلینڈ جانے کی کوشش کی جس پر مسافروں کو پاکستان ڈیپورٹ کر دیا گیا تھا۔ایف آئی اے ترجمان کا مزید کہنا ہے کہ ملزمان کو گرفتار کر کے تفتیش کا آغاز کر دیا گیا ہے، دیگر ملزمان کی گرفتاری کے لئے چھاپے مارے جا رہے ہیں۔

بھارتی فوج نے اپنے ہی 12 شہریوں کو بھون ڈالا

آئینی عدالتوں کیخلاف سماعت غیرمعینہ مدت تک کے لیے ملتوی

70سالہ خاتون سے گینگ ریپ کرنےوالادرندہ صفت ملزم گرفتار

فائیو جی ٹیکنالوجی جون سے پاکستان میں لانچ ہوگی

Comments are closed.