آصف علی زرداری کے 1 کروڑ کے گھوڑے،عمران خان کی 2 لاکھ کی بکریاں ،اثاثوں کی تفصلات سامنے آگئیں

اسلام آباد:الیکشن کمیشن آف پاکستان نے ارکان قومی اسمبلی کے گوشوارے ظاہر کرتے ہوئے جو تفصیلات جاری کیں ہیں اس کے مطابق سابق صدر آصف علی زرداری کے مربے والے گھوڑے الیکشن کمیشن کی دستاویزات پر چھائے رہے. اطلاعات کے مطابق الیکشن کمیشن نے بتایا ہے کہ آصف علی زرداری نے 66 کروڑ کے اثاثے ظاہر کیے ہیں جن میں‌ایک کروڑ کے گھوڑے بھی ہیں جن کے بارے میں سیاسی مخالفین یہ الزام دیتے رہے ہیں کہ وہ چارہ نہیں مربہ کھانے کےشوقین ہیں.آصف علی زرداری دوبئ کے اقامہ ہولڈرز بھی ہیں.

بلاول بھٹو اپنے باپ سے بھی کئی قدم آگے ،دستاویزات کے مطابق بلاول بھٹو زرداری ایک ارب 54 کروڑ کے اثاثوں کے مالک ہیں.دوبئی میں کاروباری شیرز ہیں . اپنے ابا موصوف کی طرح بلاول بھی دوبئی کے اقامہ ہولڈر ہیں.

وزیر اعظم پاکستان عمران خان بھی اپنی سیاسی حریفوں کے پیچھے پیچھے ہیں. عمران خان کے کل اثاثوں کی ملکیت 10 کروڑ 82 لاکھ روپے ہیں ،خاتون اول بشریٰ بی بی 3 کنال کی بنی گالہ میں‌مالک ہیں.یہ بھی معلوم ہوا ہے کہ عمران خان 155 ایکڑ کمرشل اور زرعی رقبے کے بھی مالک ہیں. اور آصف علی زرداری کی طرح عمران خان 2 لاکھ کی چار بکریوں کے بھی مالک ہیں

اپوزیشن لیڈر شہباز شریف 18 کروڑ 96 لاکھ روپے کے اثاثوں کے مالک ہیں. شہباز شریف کی زوجہ محترمہ نصرت شہباز 23 کروڑ کی مالک ہیں.دوسری زوجہ محترمہ تہمینہ درانی 50 لاکھ 76 ہزار روپے کے اثاثے رکھتی ہیں.شہباز شریف کا لندن میں فلیٹ نما محل بھی ہے

میدان سیاست کے نجومی اور عمران خان کے قریبی ساتھی شیخ رشید احم 8 کروڑ 73 لاکھ روپے کا بینک بیلنس ہے. اس کے علاوہ پرائز بانڈز اور دیگر اثاثوں کی قیمت 3 کروڑ 58 لاکھ روپے بنتی ہے.سابق وزیر اعظم شاہد خاقان عباسی 60 کروڑ کے اثاثوں کے مالک ہیں.

جواب چھوڑیں

آپ کا ای میل ایڈریس شائع نہیں کیا جائے گا.