گلوکار عاطف اسلم نے ’سنگِ مرمر’ کے سیکوئیل ’سنگِ ماہ’ سے چھوٹی اسکرین پرکا م کرنے کی تصدیق کردی۔
باغی ٹی وی: ‘سنگِ ماہ’، نجی چینل پر 2016 میں نشر ہونے والے ڈرامے ‘سنگِ مر مر’ کا سیکوئل ہے جس میں کبریٰ خان، ثانیہ سعید، نعمان اعجاز اور میکال ذوالفقار نے اداکاری کی تھی۔
گزشتہ کئی ماہ سے سوشل میڈیا پر یہ خبریں گردش کررہی تھیں کہ عاطف اسلم چھوٹی اسکرین پر ڈیبیو کرنے جارہے ہیں جس کے بعد اگست میں اداکار نعمان اعجاز نے بھی ان کے ڈرامے کا حصہ بننے سے متعلق بتایا تھا عاطف اسلم کی جانب سے کوئی بیان سامنے نہیں آیا تھا تاہم اب انہوں نے اپنا باضابطہ بیان جاری کیا ہے۔
عاطف اسلم نے اپنے سوشل میڈیا اکاؤنٹس پر ایک ویڈیو بیان جاری کر تے ہوئے مداحوں کو اپنے آنے والے پروجیکٹس سے متعلق بتایا عاطف اسلم نے کہا کہ ’میں اس وقت اپنے ڈیبیو ڈرامہ سیریل ’سنگِ ماہ‘ کے سیٹ پر موجود ہوں اور کہا کہ ہاں میں ڈراما سیریل میں کام کررہا ہوں اورمجھے آپ کی دعاؤں کی ضرورت ہے۔
عاطف اسلم نے کہا کہ آپ نے ہمیشہ مجھے اپنی محبت سے نوازا ہے اور مجھے امید ہے کہ آپ اس بار بھی ایسا ہی کریں گےمیں اپنے مداحوں کے لیے بہت جلد ایک نیا پراجیکٹ لیکر آرہا ہوں لہٰذا میرے ساتھ رہیں ، چند دن میں کچھ بڑا اجنبی سا ،عحیب سا آنے والا ہے’۔
عمر شریف کے بیرون ملک علاج معالجے کے لیے ایئر ایمبولینس کی کب تک آمد متوقع ہے؟
عاطف نے بتایا کہ جلد وہ نیا گانا ریلیز کرنے جارہے ہیں جس کی میوزک ویڈیو میں معروف اداکارہ ماہرہ خان بھی شامل ہوں گی جس کے بعد گزشتہ روز انہوں نے اپنے گانے ’اجنبی ’ کا ٹیزر بھی ریلیز کیا۔
Special Announcement – What????
For details view the below mentioned link:-https://t.co/n0gwwBNhQT#AtifAslam #Aadeez @TheMahiraKhan #MahiraKhan #AtifAslamNewSong #sangemah #HUMTV #humtvdramas #HumNetwork #ajnabi
— Atif Aslam (@itsaadee) September 17, 2021
گانے کا ٹیزر شیئر کرتے ہوئے عاطف اسلم نے کہا کہ یہ ٹیزر میرے مداحوں کے لیے ویک اینڈ کا تحفہ ہے ۔
خیال رہے کہ گزشتہ ماہ اگست میں ایک انٹرویو میں عاطف اسلم نے اس بات کی تصدیق کی تھی کہ وہ رواں سال ماہرہ خان کے ساتھ ایک گانے میں دکھائی دیں گے اور دونوں ایک دہائی بعد اسکرین پر رومانس کریں گے۔
Here's a lil weekend surprise for all my fans. Enjoy the first teaser of my new song and let me know what you think abt it. & be on the lookout for this song as it'll be releasing very soon.https://t.co/Jt7sJKGux8#ajnabi #AtifAslam @TheMahiraKhan #AsimRaza #AhsanParvezMehdi
— Atif Aslam (@itsaadee) September 18, 2021
اس سے قبل دونوں نے ’بول‘ نامی فلم میں ایک ساتھ کام کیا تھا اور ان کی جوڑی کو بہت سراہا گیا تھا جبکہ عاطف اسلم نے بھی ماہرہ خان کے ساتھ کام کرنے کو خوش قسمتی قرار دیتے ہوئے انہیں سنجیدہ اور اچھی اداکارہ قرار دیا۔
باکسر عامر خان کو امریکی ایئر لائنز کی پرواز سے اتار دیا گیا
علاوہ ازیں ان کا پہلا ڈراما ’سنگِ ماہ‘ دراصل ’سنگ مر مر‘ کا سیکوئیل ہے جسے 2016 میں ہم ٹی وی پر نشر کیا گیا تھا، جسے کہانی کی وجہ سے کافی پسند کیا گیا تھا۔
ڈرامے کی کہانی پاکستان کے قبائلی علاقہ جات کے خاندان اور وہاں کی رسم و رواج کے گرد گھومتی ہے، جس وجہ سے شائقین نے اسے بہت سراہا تھا۔