عاطف اسلم اور سائرہ یوسف رومانوی گانے میں پہلی بار ایک ساتھ نظر آئیں گے

پاکستانی معروف اداکارہ و ماڈل سائرہ یوسف پاکستان میوزک انڈسٹری کے نامور اور عالمی شہرت یافتہ گلوکار عاطف اسلم کے ریلیز ہونے والےرومانوی گانے ’رات‘ میں پہلی بار ایک ساتھ نظر آئیں گے-

باغی ٹی وی : گلوکارعاطف اسلم نے سوشل میڈیا اور یوٹیوب پر جلد ریلیز ہونے والے رومانوی گیت ’رات‘ کی پہلی جھلک جاری کردی، جس میں انہیں سائرہ یوسف کے ساتھ رومانوی انداز میں دیکھا جا سکتا ہے۔

عاطف اسلم نے سماجی رابطے کی ویب سائٹ ٹویٹر پر اپنے جے جلد ریلیز ہونے والے گانے کی جھلک شئیر کی-

For more details subscribe our YouTube channel: https://t.co/96lsehohzG#AtifAslam #Aadee #Aadeez #Raat #AtifAslamNewSong pic.twitter.com/50DQbeUrxE

— Atif Aslam (@itsaadee) February 11, 2021

سائرہ یوسف نے بھی اپنے انسٹاگرام پر ’رات‘ کا ٹیزرجاری کیا اور بتایا کہ جلد ان کا مذکورہ گانا ریلیز ہوگا۔

’رات‘ کی ہدایات گلوکار و موسیقار یاسر جسوال دیں گے ، تاہم ابھی یہ واضح نہیں ہے کہ گانے کی موسیقی کس نے ترتیب دی ہے اور اس کی شاعری کس نے لکھی ہے۔

خیال رہے کہ عاطف اسلم نے گزشتہ برس نومبر میں ’ویلو میوزک اسٹیشن‘ میں پنجابی گانے ’کدی تے ہنس بول وے‘ میں آواز کا جادو جگایا تھا۔سائرہ یوسف کے ساتھ پہلی بار گلوکار کے رومانوی گیت پر دونوں کے مداح بے صبری سے انتظار کر رہے ہیں-