عتیقہ اوڈھو نے ماضی کے مقبول ڈرامہ سیریل ’نجات‘ کے خوشگوار لمحات شئیر کر دیئے

0
38

پاکستانی سینئر اداکارہ عتیقہ اوڈھو نے سوشل میڈیا پر نوے کی دہائی مقبول ترین ڈرامہ سیریل ’نجات‘ کی یاد گار تصویریں اور ویڈیو کلپ شئیر کرکے ڈرامے کی یاد تازہ کردی ہے۔

باغی ٹی وی :سوشل میڈیا ویب سائٹ انسٹاگرام پر عتیقہ اوڈھو نے سرکاری ٹی وی یعنی پی ٹی وی کے مقبول ترین ڈرامہ سیریل ’نجات‘ کے سیٹ کی یادگار تصویر پوسٹ کی جس میں عتیقہ اوڈھو کے ہمراہ اُن کے ساتھی اداکار نعمان اعجاز اور ڈرامے کی ہدایت کار سائرہ کاظمی بھی موجود ہیں۔
https://www.instagram.com/p/CC7rGrSgu8Z/
عتیقہ اوڈھو نے نوے کی دہائی کے ڈرامہ ’نجات‘ کے زبردست وقت اور خوشگور لمحات کو یاد کرتے ہوئے لکھا کہ یہ ڈرامہ اب بھی معاشرتی مسائل پر بہت کچھ کہنا چاہتا ہے۔

علاوہ ازیں ایک اور انسٹاگرام پوسٹ میں عتیقہ اوڈھو نے ڈرامہ سیریل ’نجات‘ کی ایک ویڈیو کلپ بھی شئیر کی اور لکھا کہ میرے لیے اعزاز کی بات ہے کہ میں مشہور ڈرامہ سیریل ’نجات‘ کا حصہ بنی۔
https://www.instagram.com/p/CC1XWsqgYFo/
عتیقہ اوڈھو نے لکھا کہ میری بہت سی خوبصورت یادیں اس میگا ہٹ ڈرامے سے منسلک ہیں حالانکہ یہ ڈرامہ حقیقت پسندی پر مبنی امور پر بنایا گیا تھا اس میں گلیمر نہیں تھا۔

انہوں نے کہا کہ کاش ہماری ڈرامہ انڈسٹری دوبارہ بھی اس طرح کے ڈرامے تخلیق کر پاتی۔

واضح رہے کہ ڈرامہ سیریل ’نجات‘ 1993میں پی ٹی وی چینل پر نشر کیا گیا تھا، 18اقساط پر مبنی اِس ڈرامے کو اُس وقت خوب پذیرائی حاصل ہوئی تھی اور یہی وجہ ہے کہ ایک لمبے عرصے بعد اس کامیاب ڈرامہ سیریل کوایک بار پھر رواں سال 16مئی سے پی ٹی وی چینل پر نشر کیا جارہا ہے۔

مذکورہ ڈرامے میں نعمان اعجاز اور عتیقہ اوڈھو کے ساتھ لطیف کپاڈیا، مرینا خان، ہما نواب اور ساجد حسن شامل تھے۔

Leave a reply