fbpx

ٹریفک حادثہ: ایوان صدر میں تعینات اے ٹی ایس فورس کا ایک جوان جاںبحق دوسرا زخمی

اسلام آباد: ٹریفک حادثے میں ایوان صدر میں متعین الائیڈ ٹسیٹنگ سروس پاکستان (اے ٹی ایس) کا نوجوان جاں بحق جبکہ دوسرا زخمی ہو گیا-

باغی ٹی وی : ذرائع کے مطابق بذریعہ وائرلیس کنٹرول اطلاع ملی ہےکہ کانسٹیبل سہیل خان/2423 اور کانسٹیبل رئیس خان 5875 جو کہ ایوان صدر میں ڈیوٹی پر مامور تھے اپنے آبائی علاقے کو جا رہے تھے برہان کے قریب ایکسیڈنٹ کا شکار ہو گئے-

اطلاعات کے مطابق کانسٹیبل سہیل خان موقع پر جاں بحق ہوگئے ہیں جبکہ رئیس خان حادثے میں شدید زخمی ہو گئے جنہیں طبی امداد کے لئے پمز ہسپتال میں لے جایا گیا وہاں زیر علاج ہیں حادثے کی وجوہات جاننے کے لئے تحقیقات جاری ہیں-