سیالکوٹ: ایف آئی اے انٹرپول کی کارروائی، اقدام قتل کا اشتہاری ملزم عمان سے گرفتار

سیالکوٹ (باغی ٹی وی بیوروچیف شاہد ریاض)ایف آئی اے انٹرپول کی بڑی کارروائی، اقدام قتل کے اشتہاری ملزم کی عمان سے گرفتاری

ایف آئی اے این سی بی انٹرپول نے اقدام قتل کے مقدمے میں مطلوب اشتہاری ملزم کو عمان سے گرفتار کر کے سیالکوٹ ایئرپورٹ منتقل کر دیا۔

ایف آئی اے ترجمان کے مطابق ملزم کی گرفتاری کے لیے انٹرپول نے ریڈ نوٹس جاری کیا تھا۔ ملزم کے خلاف تھانہ صدر پسرور، سیالکوٹ میں اقدام قتل کی دفعات کے تحت مقدمہ درج تھا۔

ملزم گزشتہ ایک سال سے بیرون ملک فرار تھا۔ ایف آئی اے امیگریشن سیالکوٹ نے گرفتار ملزم کو پنجاب پولیس حکام کے حوالے کر دیا ہے۔

ایف آئی اے کی اس کامیاب کارروائی کو قانون نافذ کرنے والے اداروں کی ایک بڑی پیشرفت قرار دیا جا رہا ہے۔ مزید قانونی کارروائی جاری ہے۔

Comments are closed.