fbpx

وزیراعظم کی روضہ رسول ﷺ پرحاضری: ملک وقوم کی سلامتی وخوشحالی کے لیے دعائیں

مدینہ منورہ :وزیراعظم کی مدینہ منورہ میں روضہ رسول ﷺ پرحاضری:ملک وقوم کی سلامتی وخوشحالی کے لیے دعائیں بھی کیں،اطلاعات کے مطابق وزیراعظم عمران خان نے دورہ سعودی عرب میں روضہ رسول صلی اللہ علیہ وسلم پر حاضری دی۔

 

اعلامیے کے مطابق وزیراعظم عمران خان نے وفد سمیت مسجد نبویﷺ پہنچے اور روضہ رسول صلی اللہ علیہ وسلم پر حاضری دی۔

اعلامیے میں کہا گیا ہے کہ وزیراعظم نے مسجد نبوی ﷺ میں افطار کیا اور نمازِ مغرب ادا کی۔

 

 

وزیراعظم عمران خان نے اس مبارک موقع پر نبی رحمت ﷺ پردرودوسلام پیش کیے اوراللہ کے حضور ملک وقوم کی سلامتی وخوشحالی کے لیے دعائیں کیں

 

یاد رہے کہ وزیراعظم عمران خان مدینہ منورہ پہنچے تو مدینہ منورہ میں داخل ہونے سے پہلےجوتے اتارلیئے ،وزیراعظم عمران خان روضہ رسول صلی اللہ علی والہ وسلم پر حاضری کیلئے مدینہ منورہ پہنچ گئے۔مدینہ ائیرپورٹ پر وزیرِ اعظم کا استقبال گورنر مدینہ منورہ امیر فیصل بن سلمان بن عبدالعزیز نے کیا۔

 

اس دوران وزیراعظم ہاؤس کے آفیشل اکاؤنٹ سے تصاویر بھی شیئر کی گئی ہیں جس میں دیکھا جاسکتا ہے کہ مدینہ ائیرپورٹ پر جہاز سے اترتے ہوئے وزیراعظم نے جوتے نہیں پہن رکھے اور وہ وفد کے ساتھ بغیر جوتوں کے ہی جارہے ہیں۔

خیال رہے کہ اس سے قبل بھی وزیراعظم عمران خان جوتے اتار کر مدینہ کی سرزمین پر قدم رکھا ہے جبکہ اس حوالے سے وزیراعظم کا کہنا تھا کہ مدینہ منورہ میں بغیر جوتوں کے آنا نبی ﷺ کے احترام میں تھا۔

 

جواب چھوڑیں

آپ کا ای میل ایڈریس شائع نہیں کیا جائے گا.