چونیاں:تمام تحصیل افسروں کی حاضری تھمب سسٹم پر کی جائے

چونیاں،باغی ٹی وی(نامہ نگار) تمام تحصیل افسروں کی حاضری تھمب(انگوٹھا) سسٹم پر کی جائے اور روزانہ نو سے بارہ بجے تک تمام افسران کو اپنے اپنے دفاتر میں رہنے کا پابند کیا جائے تاکہ عوامی مسائل حل ہو سکیں ان خیالات کا اظہار مرکزی سبزی و فروٹ منڈی کے صدر سردارعلی چیرمین نے اپنے ایک بیان میں کیا انہوں نے کہا کہ ضلعی افسران کی ضلع بھر کے افسروں پر گرفت انتہائی کمزور ہے حکومت پنجاب نے تمام سرکاری افسران کی تنخواہیں تو آئن لائن کر دی ہیں لیکن افسران کی دفاتر کی حاضری کو بھی یقینی بنایا جائے اور حاضری تھمب (انگوٹھا) سسٹم پر کی جائے اکثر سائلین اپنے مسائل کے حل کے لئے افسران کے پاس جاتے لیکن پتہ چلتا ہے کہ صاحب میٹنگ میں یا فیلڈ میں ہے تیس، چالیس کلومیٹر کا سفر طے کر کے تحصیل ہیڈکوارٹر جانے والے عوام کو کئی کئی دن چکر لگانا پڑتے اور مایوس ہو کر واپس لوٹتے ہیں حقیقت میں افسران اپنے گھر میں موجود ہوتے ہیں اور دفتری عملہ عوام کو چکر دیتا رہتا ہے سردارعلی چیرمین نے مزید کہا کہ تمام افسران کی حاضری تھمب سسٹم پر کی جائے اور روزانہ صبح نو سے بارہ بجے تک تین گھنٹے تمام افسران کو دفاتر میں بیٹھنے کا پابند کیا جائے تاکہ دور دراز سے سفر کر کے تحصیل ہیڈکوارٹر آنے والے سائلین مایوس نہ لوٹیں۔