fbpx

ٹور میچ: آسٹریلوی ٹیم کی پوزیشن مضبوط

ڈربی (اے پی پی) تین روزہ ٹور میچ میں ڈربی شائر کی ٹیم 172 رنز بناکر آﺅٹ ہوگئی جبکہ آسٹریلیا کی ٹیم نے بغیر کسی نقصان کے 77 رنز بنالئے.

تفصیلات کے مطابق ڈربی شائر اور آسٹریلوی ٹیم کے درمیان کھیلے جارہے تین روزہ ٹور میچ میں ڈربی شائر کی ٹیم پہلے کھیلتے ہوئے 172 رنز بناکر آﺅٹ ہوگئی، پہلے روز کھیل ختم ہونے تک آسٹریلوی ٹیم نے بغیر کسی نقصان کے 77 رنز بنالئے۔ مارکوس ہیرس نے ناقابل شکست 52 رنز بنائے، ڈربی شائر کے ڈیو پلوے 86 رنز کے ساتھ نمایاں بلے باز رہے، سٹارک اور نیسر نے تین ، تین جبکہ لبوشگنی نے دو کھلاڑیوں کو آﺅٹ کیا۔ ڈربی شائر نے ٹاس جیت کر پہلے بیٹنگ کا فیصلہ کیا۔ آسٹریلوی ٹیم کے سامنے ڈربی شائر کی ٹیم بے بس نظر آئی اور پوری ٹیم 172 رنز بنارکر پویلین لوٹ گئی۔ ڈیو پلوے نے 86 رنز بنائے۔ آسٹریلیا کی طرف سے مچل سٹارک اور مچل نیسر نے تین، تین کھلاڑیوں کو آﺅٹ کیا۔

جواب میں میچ کے پہلے روز کھیل ختم ہونے تک آسٹریلوی ٹیم نے بغیر کسی نقصان کے 77 رنز بنالئے تھے۔ مارکوس ہیرس 52 اور کپتان عثمان خواجہ 18 رنز کے ساتھ ناٹ آﺅٹ تھے۔