ساہیوال:عوام کو لوٹنے والے قانون کے شکنجے میں۔۔۔

ساہیوال(نمائندہ باغی ٹی وی)غیرقانونی ہاؤسنگ کالونی سیل،ڈویلپرز کے خلاف مقدمہ درج،
تفصیلات کے مطابق ساہیوال شہر سے متصل نورشاہ روڈ پر گرین سٹی ہاؤسنگ سکیم کے نام سے رہائشی کالونی کی تعمیر جاری تھی،جس کے ڈویلپرز ضیاء الحق شیخ اور دیگر کی طرف سے عوام کو سبز باغ دکھائے جارہے تھے اور تشہیری مواد میں اسے ایک جدید اور پرتعیش ہاؤسنگ سکیم ظاہر کیا گیا تھا جبکہ حقیقت میں وہاں ایسا کچھ بھی نہیں تھا،صرف عوام کو جعلسازی کے ذریعے بےوقوف بنا کر لوٹا جارہا تھا،سڑکوں کی پیمائش بھی قوانین کے مطابق نہیں تھی جبکہ ہاؤسنگ سوسائٹی کا نقشہ بھی مجاز اتھارٹی سے منظور نہیں کروایا گیا تھا،جس پر انفورسمنٹ انسپکٹر ندیم نے کاروائی کرتے ہوئے متعلقہ تھانے میں درخواست دیکر سوسائٹی ڈویلپرز کے خلاف مقدمہ درج کروایا اور کالونی کو سیل کردیا گیا،
واضح رہے ساہیوال شہر میں افسر شاہی کی ملی بھگت سے ایسی بہت سی غیرقانونی رہائشی کالونیاں وجود میں آچکی ہیں جہاں پر عوام بنیادی سہولیات سے محروم اور ڈویلپرز کے رحم و کرم پر زندگی گزارنے پر مجبور ہیں