مہنگائی پر قابو پا کر عوام کو ریلیف دیا جائے، وزیراعلیٰ پنجاب کی کابینہ کو سعودی عرب سے ہدایت
وزیراعلیٰ پنجاب نے سعودی عرب سے صوبائی کابینہ کمیٹی برائے پرائس کنٹرول کو ہدایات کی ہیں کہ مہنگائی کو کنٹرول کیا جائے
باغی ٹی وی کی رپورٹ کے مطابق وزیراعلیٰ پنجاب عمرہ کی ادائیگی کے لئے سعودی عرب گئے ہوئے ہیں انہوں نے سعودی عرب سے ہدایات دی ہیں کہ پنجاب میں مصنوعی مہنگائی کے ذمہ داروں کے خلاف کریک ڈاؤن کیا جائے،اشیائے ضروریہ کی مقرر کردہ نرخوں پر فروخت کو ہر صورت یقینی بنایاجائے،مہنگے داموں اشیائے ضروریہ فروخت کرنے والوں سے کوئی رعایت نہیں ہوگی،
وزیراعلیٰ پنجاب عثمان بزدار نے کہا کہ انتظامی افسران پرائس کنٹرول کےلیےخود مارکیٹوں اوربازاروں کے دورے کریں ،پرائس کنٹرول کے اقدامات پر بہانے بازی نہیں چلے گی،
وزیراعلیٰ نے مہنگائی پر قابوپا کر عوام کو ریلیف دینے کے لیےعملی اقدامات کرنے کا حکم بھی دیا.
وزیراعلیٰ پنجاب کی حرم نبوی کے امام سے ملاقات، روضہ رسول پر حاضری
وزیراعلیٰ پنجاب سردار عثمان بزدار نے مدینہ منورہ میں روضہ رسولؐ پر حاضری دی اور مسجد نبوی ؐ میں نوافل ادا کئے -وزیراعلیٰ پنجاب نے ملک و قوم کی ترقی و خوشحالی اور استحکام کے لئے دعا کی-
وزیراعلیٰ پنجاب نے مقبوضہ کشمیر کے مظلوم مسلمانو ں کے لئے بھی خصوصی دعا کی-وزیراعلیٰ نے حرم نبویؐ کے امام سے ملاقات کی اور کلیدبردارمسجد نبویؐ سے بھی ملے-