لاہور: گورنر سندھ عمران اسماعیل جہانگیر ترین گروپ میں شمولیت اختیار کرنے والے علیم خان سے مذاکرات کے بعد سفارشات لے کر روانہ ہو گئے ہیں۔
باغی ٹی وی : وزیراعظم عمران خان کی ہدایت پر سابق صوبائی وزیر علیم خان سے مذاکرات کے لیے خصوصی طور پرلاہور پہنچنے والے گورنر سندھ عمران اسماعیل نے ملاقات کے بعد میڈیا سے گفتگوسے بات چیت کرتے ہوئے دعویٰ کیا کہ علیم خان پہلے بھی عمران خان کے ساتھی تھے اب بھی ہیں۔
پیپلز پارٹی نے پی ٹی آئی کی ایک اور وکٹ گرا لی
انہوں نے اس بات پر افسوس کا اظہار کیا کہ دیرینہ دوست علیم خان کے پاس مذاکرت کے لیے آنا پڑا، جوسفارشات لے کر جا رہا ہوں، امید ہے وزیراعظم قبول کریں گے۔
گورنر سندھ عمران اسماعیل نے ایک سوال کے جواب میں اعتراف کیا کہ علیم خان اور جہانگیر ترین گروپ کے تحفظات ہیں تحفظات دورکریں گے تو ہماری حکومت کا ہی فائدہ ہو گاعلیم خان کے تمام تحفظات پارٹی کے حق میں ہیں۔ انہوں نے دعویٰ کیا کہ آئندہ 24 گھنٹوں کے اندر ہم سب ایک پیج پر ہوں گے۔
کھلاڑیوں کا کمال،بزدار آؤٹ ہونے لگے، چودھریوں کے ہاتھ بھی خالی رہ جانیکا امکان
اس موقع پر علیم خان گورنر سندھ کے ہمراہ موجود نہیں تھے حالانکہ میڈیا سے بات چیت خود ان کی اپنی رہائش گاہ کے باہرہو رہی تھی۔
ذرائع کا کہنا ہے کہ جہانگیر ترین گروپ نے فیصلہ کیا ہے کہ تحریک عدم اعتماد کے خلاف اس وقت وزیراعظم کا ساتھ دیا جائے گا جب وہ وزیراعلیٰ پنجاب عثمان بزدار کی تبدیلی پر رضامند ہوں گے۔
