عائزہ خان کا شوبز چھوڑنے کے حوالے سے اہم انکشاف

پاکستان کی معروف اداکارہ عائزہ خان نے شوبز چھوڑنے کے حوالے سے کہا ہے کہ شوبز چھوڑنا یا نہ چھوڑنا یہ میرا اور اللہ کا معاملہ ہے

باغی ٹی وی : عائزہ خان گذ شتہ روز اداکارہ ریما خان کی رمضان ٹرانسمیشن ’’باران رحمت‘‘ میں شریک ہوئیں جہاں انہوں نے ڈرامہ سیریل ’’میرے پاس تم ہو‘‘ سے متعلق اور شوبز چھوڑنے کے حوالے سے بات کی عائزہ خان نے کہا لوگ آپ کو جانچتے ہیں، میں اور دانش پچھلے سال حج پر گئے تھے وہاں سب لوگوں نے بہت زیادہ پیار دیا تاہم کچھ لوگ ہوتے تھے ہمارے ارد گرد جو ایسے دیکھتے کہ حج کرنے کے بعد کیا اب تم شوبز کی فیلڈ چھوڑ دوگی تم سیریز چھوڑ دوگی
https://www.instagram.com/tv/B_dE6IfhS9d/?igshid=1v2064e54d980
عائزہ خان نے کہا کہ یہ میرا اور اللہ کا معاملہ ہے اللہ تعالی نے میرے دل میں کوئی چیز لانی ہوگی تو وہ آپ کے کہنے سے نہیں آئے گی وہ آجائے گی بس کچھ بھی کرنا ہے یا نہیں کرنا کسی چیز کا مقصد عائزہ خان نے دوران حج پیش آنے والا ایک واقعہ بتاتے ہوئے کہا جب ہم عرفات کے میدان میں تھے تو وہاں بہت تیز بارش آگئی جس کی وجہ سے ہم لوگوں کے خیمے وغیرہ اکھڑ گئے اور ہمارا سامان اِدھراُدھر ہوگیا ہم اوپر دعا کر رہے تھے اس وقت جب ہم نیچے آئےتو اپنا سامان دیکھا وہاں موجود ایک خاتون نے ہمارا سامان سنبھالا ہوا تھا اس نے میرا بیگ پکڑا ہواتھا مجھے آواز دی عائزہ آپ کا بیگ ادکارہ نے کہا لہذا آپ چاہے کسی بھی فیلڈ میں ہوں ڈاکٹر ہوں ٹیچر ہوں شوبز میں ہوں لوگ آپ سے پیار کرتے ہیں اور لوگوں کا پیار بہت ہوتا ہے

عائزہ خان نے اپنے مقبول ترین ڈرامے ’’میرے پاس تم ہو‘‘ کی کامیابی پر بھی بات کرتے ہوئے کہا کہ میرا ڈرامہ ہٹ ہوا بڑی کامیابی ملی نہ میں اپنی کامیابی کچھ سنتی ہوں نہ بات کرتی ہوں کیونکہ مجھے لگتا ہے مجھے اس کی عادت پڑ جائے گی میں نے نہ انٹرویو دیئے نہ ہر وقت اردگرد لوگوں کو اکٹھا کیا انہوں نے کہا میں اپنی کامیابیوں کو زیادہ سنجیدگی سے نہیں لیتی
https://www.instagram.com/p/B_dEd5lhdRb/?igshid=n6numupq8u51
انہوں نے کہا زندگی میں ایسا دور بھی آتا ہے جب اکیلا پن ہو تا ہے جب آپ اوپر جاتے ہیں تو نیچے بھی آتے ہیں اس وقت کو ہمیشہ بیچ میں رکھنا چاہئے لہذا میں نے خود کو کبھی بہت کامیاب تصور نہیں کیا بلکہ اپنے آپ کو عام لوگوں کی طرح ہی سمجھا ہے

عائزہ خان نے کہا کہ جب میں شوبز میں نئی آئی تھی میں کچھ بھی نہیں تھی میں سٹارز کو دیکھتی تھی اور تب بھی میں یہی سوچ کر آئی تھی میں نے بہت اونچی جگہ نہیں جانا کہ میں نیچے ہی نہ دیکھ سکوں مجھے بیچ میں ہی رہنا اور میں نے ہمیشہ خود کو لوگوں کے بیچ میں ہی رکھا ہے اداکارہ نے کہا نہ میں بہت چھپی ہوں نہ میں بہت لوگوں میں آئی ہوں

کپڑوں کے ساتھ اب میچنگ ماسک کی ضرورت ہے عائزہ خان

اللہ سے شفاء اور معافی مانگتے رہیں انشاءاللہ ہمیں کوئی چیز نقصان نہیں پہنچائے گی عائزہ خان