اہل یوتھ فورس کا ملک بھر میں ختم نبوت کانفرنسوں اور سیمینارز کے انعقاد کا اعلان

اہلحدیث یوتھ فورس پاکستان کی شوریٰ کا اجلاس کالاباغ نتھیا گلی میں حافظ فیصل افضل شیخ صدر یوتھ فورس پاکستان کی صدارت میں منعقد ہوا جس میں تمام اضلاع کی سالانہ کارکردگی رپورٹ پیش کی گئی اور اگلے سال کے لئے پلان ترتیب دیا گیا،

باغی ٹی وی کی رپورٹ کے مطابق اجلاس میں فیصلہ ہوا کہ ماہ اکتوبر اور نومبر میں پنجاب کے کئی شہروں میں ختم نبوت کانفرنسز کے انعقاد کیا جائے گا اور قادیانیوں کی بڑھتی ہوئی سرگرمیوں کو روکنے کے لئے عقیدہ ختم نبوت سیمینار اور لیکچرز کے اہتمام کیا جائے گا،

اجلاس میں دیگر کئی امور زیر بحث آئے ۔ اجلاس میں حافظ عامر صدیقی جنرل سیکرٹری یوتھ فورس پاکستان ۔ حافظ سلمان اعظم ۔ حافظ سیف اللہ ۔ حافظ محمد قسیم ۔ حافظ بابر سلفی ۔ عثمان راشد اور پاکستان بھر سے ارکان شوریٰ شریک ہوئے،