ایوشمان کی شاہ رخ کو پٹھان کی کامیابی پر مبارکباد ، ڈانس بھی کیا

بالی وڈ‌اداکار ایوشمان کھرانہ نوجوان نسل کے نمائندہ فنکار ہیں ان کے کریڈٹ پر سپر ہٹ فلمیں ہیں ان کا شمار ان اداکاروں میں ہوتا ہے جنہوں نے نہایت ہی کم عرصے میں شائقین کے دل جیت لئے. ایوشمان کھرانہ جو کہ شاہ رخ خان کے بہت بڑے مداح ہیں انہوں نے ان کے ساتھ پٹھان فلم کی کامیابی کے بعد ایک ملاقات کی ان کے ساتھ گلے مل کر نہ صرف انکو فلم کی کامیابی پر مبارکباد دی بلکہ ان کے ساتھ ڈانس بھی کیا. ایوشمان کھرانہ نے اس موقع پر کہا کہ فلم پٹھان کی کامیابی صرف شاہ رخ خان کی کامیابی نہیں ہے ہم سب کی کامیابی ہے بلکہ مجھے تو یہ اپنی ذاتی

کامیابی محسوس ہو رہی ہے. ایوشمان کھرانہ اور شاہ رخ خان کی ملاقات کی تصاویر بھی سوشل میڈیا پر وائرل ہو رہی ہیں جن میں دونوں کافی خوش دکھائی دے رہے ہیں. یاد رہے کہ فلم پٹھان ریلیز کے دن سے اب تک صرف سات دنوں میں ساڑھے پانچ سو کروڑکا بزنس کر چکی ہے. فلم کو دنیا بھر میں بہت زیادہ پسند کیا جا رہا ہے. شاہ رخ خان نے اپنے حالیہ انٹرویو میں کہا ہے کہ پٹھان کی کامیابی میرے لئے بہت ضروری تھی. فلم پٹھان مسلسل کامیابیاں سمیٹ رہی ہے اور بزنس کے ریکارڈز بنا رہی ہے.