ایان علی نے 5 سال بعد اپنا پہلا البم ریلیز کر دیا

منی لانڈرنگ کیس میں ضمانت پر رہا ہونے والی پاکستان کی سُپر ماڈل ایان علی نے 5 سال بعد اپنا پہلا البم ’نتھنگ لائک ایوری تھنگ‘ ریلیز کردیا۔

باغی ٹی وی :ایان علی نے سماجی رابطوں کی ویب سائٹس پر اپنا البم ریلیز ہونے کا اعلان کرتے ہوئے کہا دوستوں میں نے 5 سال قبل جس البم پر کام شروع کیا تھا بالآخر اسے ریلیز کردیا ہے۔

انہوں نے کہا کہ ان کے البم کی آفیشل اینی میٹڈ ویڈیو اور آفیشل میوزک بہت جلد ریلیز کیا جائے گا۔


ایان علی نے ٹوئٹر اور انسٹاگرام پوسٹس اپنے البم کا لنک بھی شیئر کیا جس میں تمام گانے موجود ہیں –


خیال رہے کہ گزشتہ ماہ ایان علی نے سوشل میڈیا پر اپنے البم کی ریلیز کے حوالے سے کہا تھا کہ لکھا اب وقت آگیا ہے اور اپنے پسندیدہ پرانی لیمبوروگھینی میں اپنے اگلے 7 گانے سنوں۔ میں اس بات کو یقینی بنانا چاہتی ہوں کہ وہ بہت اچھے لگیں۔

ایان علی نے لکھا کہ وہ گذشتہ 5 سالوں سے ان گانوں کے لئے سخت محنت کر رہی تھیں جن سے اب ہر کوئی لطف اٹھا سکتا ہے۔ انہوں نے لکھا ، تمام گانے ایک یا دو ہفتے میں ریلیز ہوں گے۔-

واضح رہے کہ اس سے قبل ایان علی نے اپنی انسٹاگرام پوسٹ پر اپنی ایک مختصر سی ویڈیو پوسٹ کی تھی جو اُن کے نئے پراجیکٹ کا حصہ تھی ویڈیو پوسٹ کرتے ہوئے ایان علی نے سب سے پہلے تو اپنے مداحوں کا حال احوال دریافت کیا تھا اور پھر اُنہوں نے بتایا تھا کہ یہ ویڈیو اُن کے نئے آنے والے پراجیکٹ کا ایک چھوٹا سا حصہ ہے۔

ایان علی کی لمبے عرصے بعد سوشل میڈیا پر واپسی

جواب چھوڑیں

آپ کا ای میل ایڈریس شائع نہیں کیا جائے گا.