اذلان شاہ کپ؛ کوریا نے پاکستان 1-2 گول سے ہرادیا

ایبوہ: اذلان شاہ ہاکی کپ میں کوریا نے پاکستان کو 1-2 گول سے ہرا کر شکست دیدی۔ملائشیا کے شہر ایبوہ میں کھیلے گئے میچ میں سلطان اذلان شاہ ہاکی کپ میں کوریا نے پاکستان کو ایک کے مقابلے میں دو گول سے شکست دی۔

پاکستان کی جانب سے چوتھے منٹ میں حنان شاہد نے فیلڈ گول سکور کیا، پاکستان کی برتری پہلے ہاف تک برقرار رہی تاہم دوسرے ہاف کے 51 ویں اور 52 ویں منٹ میں پینلٹی کارنر کے ذریعے کوریا کے ہیسی ہون نے لگاتار دو گول اسکور کرکے کوریا کو جیت دلادی۔

اس سے پہلے ملائشیا کے شہر ایبوہ میں کھیلے گئے میچ میں پاکستان کی جانب سے محمد سفیان نے پہلا گول 17 ویں منٹ میں ینلٹی کارنر کے دوران کیا جبکہ دوسرا گول بھی پینلٹی کارنر کے دوران 19 ویں منٹ میں اسکور کیا۔

جاپان کی جانب سے 43 ویں منٹ میں کیترو نے اور 55 ویں منٹ میں کوسی نے گول سکور کرکے پاکستان کی سبقت کو ختم کردیا۔

پاکستان ایونٹ میں اپنا چوتھا میچ 5 نومبر کو کوریا جبکہ پانچواں میچ مصر کے خلاف کھیلے گا۔ ٹورنامنٹ راونڈ رابن لیگ طرز پر کھیلا جارہا ہے۔

قبل ازیں پاکستان کو جنوبی افریقہ کے خلاف شکست کا سامنا کرنا پڑا تھا جبکہ ملائشیا سے میچ ایک ایک گول سے برابر رہا تھا۔واضح رہے کہ پاکستان پانچواں میچ 7 نومبر کو مصر کیخلاف کھیلے گا۔