باغی ٹی وی کے ٹویٹر اکاؤنٹ کو بند کرانے کی درخواست دینا بزدلی ہے ، صدر پاسبان ڈیمو کریٹک پارٹی

باغی ٹی وی کا ٹوئیٹر اکاؤنٹ بند کئے جانے کی درخواست دینے پر پاسبان کے چیئرمین الطاف شکور و دیگر عہدیداران کا رد عمل

کراچی ، پاسبان ڈیموکریٹک پارٹی کے رہنماؤں نے کہا ہے کہ مظلوم عوام کے حقوق کے لئے آواز بلند کرنے کی پاداش میں باغی ٹی وی کا ٹوئیٹر اکاؤنٹ بند کرنے کی درخواست دینا ، مودی قصائی کا وحشیانہ ہتھکندہ ہے۔ ماؤں بہنوں کی عزتوں کی پامالی کامجرم بھارت، ٹوئیٹر اکاؤنٹ بند کروا کر باغی ٹی وی کی جانب سے مظالم کو بے نقاب کرنے سے کب تک روکے گا؟ یہ حق اور سچ کی آواز ہے جسے دبایا نہیں جا سکتا۔

سوشل میڈیا صارفین بھارتی لابیوں کا منہ توڑجواب دیں۔ بھارت کی جانب سے ظالمانہ لاک ڈاؤن ختم کیا جائے۔ ۔ عالمی دنیا بھارت کا مکروہ چہرہ دیکھ چکی ہے، اقوام متحدہ سمیت انسانی حقوق کے ادارے بھارتی کسانوں کا مسئلہ ، عوام کی خواہش کے مطابق حل کروانے کے لئے اپنا کردار ادا کریں۔

مظلوم بے گناہ لوگوں کے حق میں آواز بلند کرنے پر بھارت کی جانب سے باغی ٹی وی کا ٹوئیٹر اکاؤنٹ بند کروائے جانے پر رد عمل کا اظہار کرتے ہوئے پاسبان کے چیئرمین الطاف شکور و دیگر عہدیداران نے افسوس کا اظہار کرتے ہوئے مزید کہا کہ پاسبان کسانوں کی حمایت کرتی ہے ۔

ظالم مودی سرکار نے دہلی کو دنیا کی سب سے بڑی جیل میں تبدیل کر دیا ہے۔ کسانوں کے حق میں بھرپور آواز بلند کرنے پر باغی ٹی وی کی پوری ٹیم مبارکباد کی مستحق ہے۔ آزادی کا سورج بہت جلد طلوع ہونے والا ہے۔ ظالم صفحہ ہستی سے مٹ جائیں گے، بھارت کے ٹکڑے ہوجائیں گے

جواب چھوڑیں

آپ کا ای میل ایڈریس شائع نہیں کیا جائے گا.