باغی ٹی وی نے پیمرا سے پابندی کا بھرپور تقاضا کر دیا، جانیےتفصیل میں

0
42

پیمرا کی طرف سے بھارتی اداکاروں والے اشتہار پر پابندی لگا دی گئی ہے جس کے بعد باغی ٹی وی پیمرا سے بھر پور تقاضا کرتا ہے کہ بھارتی ایڈور ٹائز ماہرین سے بنے اشتہارات ، ایڈورٹائزمنٹس اور ہندی ڈب بچوں کےکارٹون پربھی پابندی عائد کی جائے.

باغی ٹی وی پورٹ کے مطابق پیمرا کی طرف سے بھارتی اداکاروں والے اشتہار پر پابندی لگا دی ہے جس کے بعد باغی ٹی وی پیمرا سے بھر پور تقاضا کرتا ہےکہ بھارت کہ اس اقدام کے بعد ان اشتہارات پر بھی پابندی عائد کی جائے جو بھارت کے اندر بنے ہیں اور ان کو بھارتیوں نے بنایا ہے . ان اشتہارات کے بنانے میں بھارتی ایڈورٹائزمنٹ کمپنیاں استعمال ہوئی ہیں.یا ان کی مہارات اور وسائل استعمال ہوئے ہیں. اس اقدام سے ایک تو پاکستان کے ٹیلنٹ کو موقع ملے گا اور دوسرا ملکی پراڈکٹس کو استعمال میں لا کر ملکی معیشت میں بہتری آ سکتی ہے.

اس کے ساتھ ساتھ ان کارٹونز پر بھی پابندی ہونی چاہیے جو بھارت کی طرف سے ہندی میں ڈب کیے گئے ہیں. ہندی میں ڈب کیے گئے کارٹوں سے سب زیادہ نقصان ہماری نسل نو کا ہو رہا ہے . ہمارے بچے بھارتی زبان اور تہزیب کو غیر دانستہ طور پر اپنا رہے ہیں اور ان کارٹونز میں استعمال ہونے والی زبان اور تہذیب سے ہماری اپنی قومی تہذیب اور زبان متاثر ہو رہی ہے اور ہمارے بچوں پر اس کا منفی اثر پڑ رہاہے.

واضح رہے کہ پاکستان الیکٹرونک میڈیا ریگولیٹری اتھارٹی (پیمرا) نے نوٹیفکیشن جاری کیا ہے جس میں کہا ہے کہ کشمیر میں بھارتی مظالم و تشدد اور اس کے نتیجے میں دونوں ممالک کے درمیان ہونے والی کشیدگی کے پیش نظر بھارت میں بننے والے اور بھارتی اداکاروں پر مبنی اشتہارات پر پابندی عائد کردی گئی ہے۔

کشمیر میں بھاری جارحیت کی وجہ سے پاکستان نے 14 اگست کو کشمیریوں سے یکجہتی کا اظہار کیا اور 15 اگست بھارت کی آزادی کے دن کو یوم سیاہ کے طور پر منانے کا فیصلہ کیا گیا لیکن پاکستان میں بھارتی اشتہارات بند کرنے کا فیصلہ نہیں کیا گیا تھا.

اس لیے پیمرا نے مختلف مصنوعات کے ایسے اشتہارات پر پابندی عائد کردی ہے جو بھارت میں بنائے گئے ہوں یا پھر ان میں بھارتی اداکار ہوں۔

Leave a reply