fbpx

باغی ٹی وی کی ذمہ دارانہ و جراتمندانہ رپورٹنگ کے دس سال مکمل .تحریر: طہ منیب ایگزیکٹو ایڈیٹر باغی ٹی وی

تین سال قبل ملک کے نامور اینکر مبشر لقمان کی زیر نگرانی باغی ٹی وی کے ساتھ بحثیت ایڈیٹر اپنی ٹیم کے ہمراہ شروع ہونے والا سفر تاحال جاری ہے، ان تین سالوِں میِں بے خوف صحافت ، حق ک پرچار، مظلوموں کا ساتھ اور ظلم ، بد عنوانی، دہشتگردی نا انصافی کے خلاف ڈٹ کر کام کرنے اور بہت کچھ کا موقع ملا۔
باغی ٹی وی اردو انگلش کے ساتھ ساتھ پشتو زبان میں بھی رپورٹنگ کرنے والا پاکستان کا واحد ڈیجیٹل میڈیا چینل ہے، جو ملک بھر میں اپنے نمائندوں سمیت ایک بڑی ٹیم کے ہمراہ کام کر رہا ہے۔
باغی ٹی وی نے روایتی میڈیا کے برعکس باغی ٹی وی نے ہمشیہ نئے لکھاریوں کو اپنا پلیٹ فارم مہیا کر کے حوصلہ افزائی کی اور عام آدمی کی آواز بنا۔

مظلوم کشمیریوں کے حق میں بے دھڑک اور آگے بڑھ کر رپورٹنگ کی، آج سے سوا دو سال قبل جب بھارت نے مقبوضہ کشمیر کی خصوصی حیثیت کو ختم تو باغی ٹی وی واحد ادارہ تھا جو آگے بڑھ کر بھارتی توسیع پسندانہ عزائم کو بے نقاب کرنے میں لیڈ کر رہا تھا جسکی گواہیاں دنیا بھر سے موصول ہوئیں۔
باغی ٹی وی افغانستان میں امریکی قیادت میں مغرب کی مسلط کرتا نام نہاد وار آن ٹیرر کے خلاف نبرد آزما حریت پسندوں کی ہمیشہ آواز رہا اور جب یہ ظلم پر مبنی جنگ اپنے انجام کو پہنچنے لگی تو باغی ٹی وی پاکستان کا واحد ارادہ تھا جس نے دنیا کی افغانستان کے زمینی حقائق سے آگاہی دینے کیلئے باغی پشتو و دری پر مشتمل مقامی ٹیم ہائر کی جس نے لمحہ بہ لمحہ امریکی انخلا اور اس سے متصل معاملات پر حقیقی صورتحال سے آگاہ کیا، یہ ٹیم تاحال ایکٹو ہے اور افغان بھائیوں کے مسائل دنیا بھر میں اجاگر کر رہی ہے۔

وطن عزیز پاکستان کی وہ آوازیں جن پر قومی سطح پر قدغنیں لگی تھیں باغی ٹی وی نے کسی قسم کے دباؤ کے بغیر انہیں آواز دی اور اس کی پاداش میں قربانیاں بھی دیں۔
بڑے بڑے مافیاز کی کرپشن کی بے نقابی میِں ہمیشہ کسی کو خاطر میں نہیں لائے، چاہے سول ایوی ایشن سے متعلق بے ضابطگیاں ہوں یا آٹو موبائلز کی چلتی پھرتی قاتل گاڑیاں باغی نے عوام کے مسائل کو اجاگر کیا۔
باغی ٹی وی کے قارئین ،ناظرین اور خیر خواہوں کا شکریہ کہ یہ سب ان کے تعاون سے ہی ممکن ہوا، باغی ٹی وی اپنی دسویں سالگرہ پر اس عزم کا اعادہ کرتا ہے کہ اپنی زریں روایات کے عین مطابق حق سچ کی آواز بنتا رہے گا ان شا اللہ
Baaghi اردو Baaghi TV پشتو Baaghi News