بھیرہ وزیر اعلیٰ پنجاب شکایت سیل سرگودھا

بھیرہ وزیر اعلیٰ پنجاب شکایت سیل سرگودھا ڈویژن کے چیئرمین حسن انعام پراچہ کی طرف سے میونسپل کمیٹی بھیرہ کے عملہ صفائی میں آٹا تقسیم کیا گیا۔ تحریک انصاف تحصیل بھیرہ کے جنرل سیکرٹری چوہدری خالد محمود آرائیں نے اپنی رہائش گاہ پر عملہ صفائی میں آٹا تقسیم کیا۔ان کے ہمراہ انکروچمنٹ انسپکٹر بلدیہ بھیرہ مظہر اقبال اور دیگر بھی موجود تھے۔چوہدری خالد محمود آرائیں نے کہا کہ پراچہ خاندان کی طرف سے علاقہ کے مستحق اور نادار افراد کی بلاتفریق خدمت کا سلسلہ جاری ہے اور علاقائی سیاست کے سرخیل سابق رکن پنجاب اسمبلی مرحوم انوار الحق پراچہ اور سابق وزیر خزانہ مرحوم احسان الحق پراچہ کا عوامی خدمت کا مشن جاری رکھا جائے گا اور گروپ کے پچاس ہزار سے زائد ووٹروں کے حقوق کا مکمل تحفظ کیا جائے گا۔