بھیرہ شہر میں آوارہ کتوں کی بھرمار

بھیرہ شہر میں آوارہ کتوں کی بھرمار نے عام آدمی کا جینا دو بھر کر رکھا ہے ہر گلی کوچے اور چوراہے پر آوارہ کتوں کے کاٹنے کے واقعات میں ایک بچے کی جان کے علاوہ متعدد شہری اور جانور زخمی ہو چکے ہیں۔ کمشنر سرگودھا ڈویژن اور دیگر اعلیٰ افسران کے گزشتہ روز مونہ ڈرین کے معائنہ کے موقع پر اے سی واثق ہرل کی موجودگی میں آوارہ کتے کی موجودگی نے انتظامیہ کی کارکردگی کی قلعی کھول دی۔تحصیل کمپلیکس میں بھی آوارہ کتوں کی موجودگی نے سائلین کو پریشان کر رکھا ہے۔ سماجی رہنماؤں محمد ارشد، حمزہ علی، محمد الیاس، بابراقبال اور سہیل اختر نے کمشنر سرگودھا ڈویژن اور ڈپٹی کمشنر سرگودھا سے مطالبہ کیا ہے کہ شہر سے آوارہ کتوں کی تلفی کے لئے اقدامات اٹھائیں۔