12 اکتوبر کا دن پاکستان کی تاریخ میں جمہوری حکومت پر شب خون مارنے کے حوالے سے سیاہ ترین دن ہے

بھیرہ(نامہ نگار)12 اکتوبر کا دن پاکستان کی تاریخ میں جمہوری حکومت پر شب خون مارنے کے حوالے سے سیاہ ترین دن ہے. یہ بات مسلم لیگ ہاؤس بھیرہ میں 12 اکتوبر کے حوالہ سے منعقدہ تقریب سے خطاب کرتے ہوئے مسلم لیگ ن کے رہنماؤں ظفر اقبال بھٹی۔صوفی محمد اسلم۔چوہدری نصراللہ کہوٹ۔عنصر خان لودھی اور حبیب الرحمن انصاری نے کیا۔انہوں نے کہا کہ نام نہاد جمہوری حکومت نے عوام کو بھیک مانگنے پر مجبور کردیا ہے۔ مہنگائی آسمان سے باتیں کر رہی ہے 16 اکتوبر کو گوجرانوالہ میں ہونے والا جلسہ حکومت کے خلاف عوامی ریفرنڈم ہو گا جس میں شرکت کے لئے بھیرہ سے ڈاکٹر مختار احمد بھرتھ اور بیرسٹر صہیب بھرتھ کی قیادت میں ایک جلوس شرکت کرے گا۔