بابراعظم اورمحمد رضوان کی شاندار اوپننگ پر بھارت کے سابق کرکٹر کی ٹوئٹ

0
37

ٹی ٹوئنٹی ورلڈ کپ مکے سیمی فائنل میں پاکستان اور نیوزی لینڈ کا میچ جاری ہے،میچ میں اوپنرز بابر اعظم اور محمد رضوان کی شاندار بیٹنگ پربھارت کے سابق کرکٹر عرفان پٹھان نے ٹوئٹ کی ہے۔

باغی ٹی وی : پاکستانی اوپنرز بابر اعظم اور محمد رضوان نے 100 رنز کی پارٹنر شپ مکمل کی جس پر متعدد شخصیات بابر اور رضوان کو سراہ رہی ہیں وہیں بھارتی سابق کرکٹر عرفان پٹھان نے بھی دونوں کی تعریف کی ہے-


عرفان پٹھان نے سماجی رابطے کی ویب سائٹ ٹوئٹر پر اپنی ٹوئٹ میں لکھا کہ رضوان اور بابر اپنی ٹیم کے لیے صحیح وقت پر فارم میں آئے-

واضح رہے کہ آج سیمی فائنل میں نیوزی لینڈ کے خلاف 15 ٹی ٹوئنٹی میچز کے بعد بابر اعظم اور محمد رضوان نے 100 رنز کی اوپننگ اسٹینڈ فراہم کیا،دونوں اوپنرز نے انگلینڈ کے خلاف ہوم سیریز کے دوسرے ٹی ٹوئنٹی میں سو رنز کی شراکت قائم کی تھی-

بابر اعظم 16 ویں مرتبہ سینچری شراکت میں حصہ دار بنے ہیں بابر اعظم اور رضوان کے درمیان یہ 9ویں سنچری کی شراکت ہے علاوہ بابر اور رضوان بطور پارٹرنز ڈھائی ہزار رنز بنانے والی پہلی جوڑی بن گئی ہے۔

بابراعظم نے احمد شہزاد اور حسین طلعت کے ساتھ دو دو مرتبہ سینچری شراکت بنائی جب کہ حیدر علی، حارث سہیل اور حفیظ کے ساتھ ایک ایک سنچری شراکت بنائی بھارت کے روہت شرما کیرئیر میں 14 سینچری شراکت میں حصہ دار رہے۔

Leave a reply