بابری مسجد کیس، جماعت اسلامی ہند نے اہم اعلان کر دیا

بھارتی سپریم کورٹ میں بابری مسجد کیس کی سماعت چالیس دن کے بعد مکمل ہو گئی ہے ۔ اب بھارتی سپریم کورٹ کی طرف سے ایک ماہ میں فیصلے کی امید ہے ۔

بابری مسجد کیس، عدالت میں نقشہ پھاڑنے کے خلاف ہندو میدان میں، اہم مطالبہ

اس حوالے سے جماعت اسلامی ہند گجرات یونٹ کے صدر شکیل احمد راجپوت نے ایک اہم اعلان کر دیا ہے۔ اپنے بیان میں شکیل احمد نے سپریم کورٹ کو مشورہ دیا کہ کہا کہ بابری مسجد کیس میں بے لاگ فیصلہ سنائے۔ شکیل احمد راجپوت نے اس بات کی بھی امید ظاہر کی کہ ‘عدالت کا فیصلہ مسلمانوں کے حق میں آئے گا‘۔ ان کے بقول ایسے میں عدالت جو بھی فیصلہ دے گی انھیں قبول ہوگا۔

دریں اثناء ویلفیئر پارٹی آف انڈیا گجرات کے صدر اکرام بیگ مرزا نے بھی امید ظاہر کی ہے کہ ‘ جس طرح سے مسلمانوں کی جانب سے عدالت میں ثبوت و شواہد پیش کیے گئے ہیں، اس کے پیش نظر فیصلہ مسلمانوں کے حق میں ہی آئے گا۔ اکرام بیگ کے بقول شریعت بھی یہی کہتی ہے کہ مسجد کسی غیر قانونی جگہ پر تعمیر نہیں کی جاتی۔

بابری مسجد کیس، ہندوﺅں کے پاس صرف چبوترے کا حق

انہوں نے مزید کہا ‘ملکیت کیس میں ثبوت دیکھے جاتے ہیں، آخری فیصلہ سپرم کورٹ کے ہاتھ میں ہے ہم اس فیصلے کو تسلیم کریں گے’۔

بابری مسجد کیس ، آل انڈیا مسلم پرسنل لاء بورڈ نے اہم اعلان کر دیا

واضح رہے کہ بھارتی چیف جسٹس رنجن گوگوئی کی سربراہی میں 5 ججوں کے آئینی بنچ نے چالیس روز تک کیس کی سماعت کی جس کے بعد فیصلہ محفوظ کر لیا گیا ہے۔ چیف جسٹس 17 نومبر کو ریٹائر ہونے والے ہیں۔ اس لیے توقع کی جارہی ہے کہ اس سے پہلے بابری مسجد کیس پر فیصلہ آ جائے گا۔