fbpx

بچپن میں والدین کی فلمیں دیکھنے کے بعد مجھے بُرے خیالات آتے تھے سارہ علی خان

ممبئی: بالی وڈ اداکارہ سارہ علی خان کا کہنا ہے کہ ماضی میں اکثر سوچتی تھی کہ والدہ امریتا سنگھ ایک فحش فلموں کی ویب سائٹ چلا رہی ہیں۔

باغی ٹی و ی : بھارتی میڈیا کے مطابق معروف فیشن میگزین ’ہارپرز بازار‘ کو انٹرویو دیتے ہوئے سارہ علی خان نے اپنے والد سیف علی خان اور والدہ امریتا سنگھ سے متعلق ایسی باتیں بتائی ہیں جنہیں سن کر ہر کوئی حیران ہے۔

اداکارہ سارہ علی خان نے کہا کہ جب میں چھوٹی تھی تب والدین کی فلمیں دیکھنے کے بعد مجھے بُرے خیالات آتے تھے، والد کی فلم ’اومکارا‘ دیکھی تو محسوس ہوا کہ والد نے کس قدر گندی زبان استعمال کی ہے اور جب والدہ کی فلم ’کلیوگ‘ دیکھی تو لگا جسے وہ کوئی فحش فلموں کی ویب سائٹ چلاتی ہیں۔

سارہ علی خان نے کہا کہ مجھے اچھی طرح یاد ہے کہ میں دونوں فلمیں دیکھنے کے بعد کافی اداس ہوگئی تھی اور سوچتی تھی کہ میرے والدین کتنے بُرے لوگ ہیں اور یہ بالکل بھی مذاق نہیں تھا۔

انٹرویو میں اداکارہ نے کہا کہ جب والدین کو ان فلموں میں کام کرنے کے بعد بہترین اداکاری کے ایوارڈ کے لیے نامزد کیا گیا تو میں حیران ہوئی اور خود سے سوال کرنے لگی کہ آخر یہ ہے کیا؟ اس میں کوئی شک نہیں کہ مجھے ہمیشہ ہی اپنی والدہ سے محبت ملی ہے اور ان سے بہت کچھ سیکھا ہے لیکن اب سچ یہ ہے کہ زندگی کے حالات تبدیل ہو رہے ہیں۔

اداکارہ نے انٹرویو کے دوران والدین کی طلاق پر بات کرتے ہوئے کہا کہ انہیں ان کے جدا ہونے پر کوئی تکلیف نہیں ہوئی تھی سارہ علی خان نے والدین کی طلاق کو یاد کرتے ہوئے بتایا کہ جب ان کے والدین کی شادی ختم ہوئی، اس وقت وہ کم عمر تھیں، تاہم جب تک ان کے والدین ایک ساتھ تھے، انہوں نے کبھی بھی اپنی والدہ کو خوش نہیں دیکھا تھا ن کے خیال میں ان کی والدہ شادی کے 10 سال تک کبھی کھل کر نہیں ہنسیں ہوں گی۔

سارہ علی خان نے کہا کہ ان کے والدین کی طلاق ہونے پر انہیں کوئی تکلیف نہیں ہوئی تھی، کیوں کہ وہ اپنے گھر کے معاملات سے بخوبی آگاہ تھیں اور کم عمری میں ہی سمجھدار بن گئی تھیں ان کے مطابق ایک ایسا گھر جہاں کے افراد ایک دوسرے سے خوش ہونے کے بجائے ایک دوسرے پر بوجھ بن جائے، ایسے میں علیحدگی اور طلاق ہی بہتر فیصلہ ہوتا ہے والدین کی طلاق کے بعد انہوں نے اپنی ماں کو خوش دیکھا جو کہ ان کا حق تھا۔

واضح رہے کہ سارہ علی خان 12 اگست 1995ء کو پٹودی خاندان میں پیدا ہوئیں تھیں، وہ اداکار امریتا سنگھ اور سیف علی خان کی بیٹی اور منصور علی خان پٹودی اور شرمیلا ٹیگور کی پوتی ہیں ان کے والدین سیف علی خان اور امریتا سنگھ میں 2004 میں طلاق ہوگئی تھی، دونوں نے 1991 میں شادی کی تھی اور دونوں کی عمر میں کافی فرق تھا، امریتا سنگھ شوہر سے زائد العمر تھیں سیف علی خان امریتا سنگھ سے دو بچے بیٹا ابراہیم علی خان اور بیٹی سارہ علی خان ہیں اور اداکارہ اپنے بھائی سے بڑی ہیں-

طلاق کے 8 سال بعد سیف علی خان نے خود سے 10 سال کم عمر کرینہ کپور سے 2012 میں شادی کی، جن سے انہیں 2016 میں بیٹا تیمور علی خان اور 2020 میں جہانگیر علی خان ہوا۔

کولمبیا یونیورسٹی سے فارغ التحصیل ہونے کے بعد، سارہ علی نے 2018ء کی فلمیں کیدارناتھ اور سمبا میں مرکزی خاتون کا کردار ادا کرکے اداکاری کا آغاز کیا۔ دونوں فلمیں تجارتی لحاظ سے کامیاب رہیں اور سارہ ​نے فلم فیئر اعزاز برائے بہترین نئی اداکارہ حاصل کیا۔ وہ 2019ء کی فوربس انڈیا کی مشہور شخصیت 100 کی فہرست میں شامل ہوئیں۔

سارہ علی کو بچپن سے اداکارہ بننے کی خواہش تھی۔ مگر وہ عزم مصمم کے طور اپنے حقیقی والد کی سگی ماں سے طلاق شدگی اور کرینا کپور سے دوسری شادی کے بعد اداکارہ بننے کا فیصلہ کر لیا۔ والدہ امریتا سنگھ کی کوششوں سے ابھیشیک بچن کی فلم کیدارناتھ میں پہلا موقع ملا اور اس کے بعد دوسری فلم سیمبا میں رنویر سنگھ کے مقابل کاسٹ ہوئیں۔ دونوں فلمیں دسمبر 2018ء میں جاری ہوئیں۔

Facebook Notice for EU! You need to login to view and post FB Comments!