fbpx

بغداد میں بم دھماکہ 10 افراد جاں بحق

عراق کے دارالحکومت بغداد میں ایک بم دھماکے کے نتیجے میں 10 افراد ہلاک ہوگئے۔

باغی ٹی وی : غیر ملکی میڈیا کے مطابق دھماکہ مشرقی بغداد کے علاقے صدر کی ایک مارکیٹ میں دیسی ساختہ بم کے ذریعے کیا گیا جس کے نتیجے میں 20 افراد زخمی بھی ہوئے ہیں۔

رپورٹ کے مطابق جس وقت دھماکہ ہوا اس وقت لوگ عیدالاضحیٰ کیلئے خریداری میں مصروف تھے۔ دھماکے کی وجہ سے کئی دکانیں بھی تباہ ہوگئیں۔ بغداد میں ہونے والے دھماکے کی ذمہ داری تاحال کسی شدت پسند گروپ نے قبول نہیں کی۔

عراقی وزارت داخلہ کا کہنا ہے کہ دھماکے میں جاں بحق ہونے والوں میں بچے اور خواتین بھی شامل ہیں۔